![Үстел теннисшілеріміз ұтылды](/media/2021/03/16/crop-6_12_660x991_ustel-tennisshileri-tegistey-utyldy.png)
Парсы шығанағында өткен жарысқа әлемнің ең мықты деген ойыншыларының түгелге дерлігі қатысты. Ерлер мен әйелдерді қоса алғанда, барлығы 141 спортшы бақ сынады. Өкінішке қарай, Қазақстанның бірде-бір өкілі жолдаманы иеленбек тұрмақ, алғашқы айналымнан да аса алмады. Осы додадағы басты үмітіміз Кирилл Герасименко еді. Бірқатар халықаралық жарыстарда табысты өне көрсетіп, әлемдік рейтингте «ТОП-50» үстел теннисшілерінің қатарына еніп отырған жерлесіміз тұсаукесер кездесуінде үздіктер тізімінде 93 орында тұрған Любомир Япчарикке 2:4 есебімен есе жіберді.
Сондай-ақ, Айдос Кенжеғұлов люксембургтық Эрик Клодқа, Зәуреш Ақашева уэльстік Шарлотт Кэриге және Анастасия Лаврова италиялық Дебора Вивареллиге жол берді. Бұл бәсекелердің барлығында 0:4 есебі тіркелді.