1/8 финалда «Манчестер Сити» Менхенгладбахтың «Боруссиясын» 2:0 есебімен ұтты. Бірінші таймда алаң иелері екі мәрте допты торда тулатқаннан кейін ойынның мәні де кетті, маңызыды да жоғалды. Бұл голдардың авторлары – Кевин Де Брейне (12-минут) мен Илкай Гюндоган (18-минут). Мақсат орындалғаннан соң «МС» ойыншылары қарқынын бәсеңдетті. Неміс футболшыларының бойынан да «жағдайды түзетсек» деген аса бір құлшыныс байқалмады. Қос команда арасындағы алғашқы кездесуде де ағылшындар дәл осындай есеппен жеңіске жеткен еді.
Апеннин түбегінде өткен ойында 1:0 есебімен басымдық танытқан Мадридтің «Реалды» Мадридте де өздерінің үстемдігін паш етті. Зинедин Зиданның шәкірттері арасында Карим Бензема (30-минут), Серхио Рамос (60-минут) және Марко Асенсио (84-минут) мергендік танытса, қонақтардың бір ғана голмен жауап қайыруға шамалары жетті. Есеп – 3:1.
