Аймақтар • 18 Наурыз, 2021

Алматыдағы «Бақытты отбасы» орталықтарының тұрғындарға пайдасы бар ма?

68 рет көрсетілді

Бүгін ӨКК брифингінде қалалық «Бақытты отбасы» орталығының басшысы Зульфия Байсақова көп балалы аналарға қолдау көрсету шаралары туралы баяндады, деп хабарлайды Egemen.kz

Көмекке мұқтаж отбасыларын жан-жақты қолдау мақсатында, 2019 жылдың тамыз айынан бастап Алматы қаласының әр ауданында «бір терезе» қағидаты бойынша «Бақытты Отбасы» орталықтары жұмыс атқарып келеді. Бүгінгі күні қаланың әр ауданында орналасқан 9 орталықтың есігі ашық.

Биылғы 15 қаңтарда «Бақытты Отбасы» қалалық орталығының қызметін жүзеге асыру мақсатында «Дағдарыс орталықтарының одағы» заңды тұлғалар бірлестігімен келісім-шарт жасалды. Биылғы жылдың 7 ақпанынан бастап аудандық Орталықтардың қызметін жүзеге асыру үшін «AQ-ALEM ­– Аналардың құқығын қорғау» ҚҚ-мен (Алатау ауданы), «Білім беру технологиялары мен бастамалары қоры» ҚҚ-мен (Алмалы ауданы), «Асыл Жүрек білімді, денсаулық сақтауды, мәдениет және спортты қолдау орталығы» ҚҚ-мен (Әуезов ауданы), «Кеңес» МҚБ-мен (Бостандық ауданы), «Зиялылар» ҚҚ-мен (Жетісу ауданы), «ISKER қолдау Орталығы» ҚҚ-мен (Медеу ауданы), «Қазақ-герман бағдарламасы түлектерінің қауымдастығы» ҚБ-мен (Наурызбай ауданы) және «Түрксіб аудандық көп балалы отбасылар одағы» ҚБ-мен (Түрксіб ауданы) келісімшарттар жасалды.

Бұл орталықтарда көп балалы және аз қамтылған отбасылар келесі мамандардың кеңестерін тегін түрде ала-алады:

- заңгерлердің тұрғын үй қатынастары, АӘК тіркеу, құжаттарды қалпына келтіру, алименттер және т.б сұрақтары бойынша;

- психологтардың балаларды тәрбиелеу, тренингтер өткізу, қиын өмірлік жағдайдан шығу, отбасы ішіндегі жанжалдарды шешу және т.б мәселелер бойынша;

- әлеуметтік қызметкерлердің отбасының қажеттіліктерін анықтау, жеке жұмыс жоспарын құру және т.б;

- 2 айдан бастап 5 жасқа дейін балаларды қабылдайтын жоғары санатты педиатр және балалардың денсаулығына байланысты жиі кездесетін мәселелер бойынша профилактикалық әңгімелер (диарея, безгек, құлақ, тамақ кеселдері).

Сонымен қатар, «Бақытты Отбасы» Орталықтарында: (ағылшын тілін үйрену, визаж, массаж, шаштараз, пішу және тігу, гимнастика, аспаздық, тоқыма, тігін сөмкелері, компьютерлік біліктілік және т.б) курстар, түрлі бағыттар бойынша балаларға арналған үйірмелер  (арт-терапия, гимнастика, математика және логика, шахмат, ағылшын, тоқу, логопед қызметі)  курстары тегін түрде өткізіледі.

 Осы уақытқа дейін «Бақытты отбасы» Орталықтарында 33 мыңнан астам адам тіркеліп, 54 мың адамға – ақпараттық-кеңестік көмек және ресурстық қолдау көрсетілді, 29 мың адамға – әдістемелік және заңгерлік көмек, 4 мың адамға – салауатты өмір салты бөлмесінің қызметі ұсынылған. 29 мың адам – «Бақытты отбасы» Орталығының базалық тренингтерінен өтті, 20 мыңнан астам адам оқыту курстарынан өткен көрінеді.        

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар