Руханият • 24 Наурыз, 2021

Алғысқа бөленген еріктілер

50 рет көрсетілді

«Қазақстан волонтерлер лигасы» ҚҚ Алматы филиалының еріктілері қаладағы әлеуметтік көмекке мұқтаж тұрғындарға үздіксіз көмек көрсетіп келеді. Елімізде төтенше жағдайлар жарияланған кезден бергі аралықта бір штабқа жиналған еріктілер қала әкімшілігінің қолдауымен көптеген әлеуметтік жобаның алғы шебінде жүр.

Алматы қаласы бойынша волон­тер­лер жедел штабының же­тек­шісі Бағдат Анарбаева каран­тин­нің алғашқы кезеңінде жұмыс істеуде көп­теген қиындық пен қор­қы­ныш­тың болғанын алға тартады. «16 наурызда Алматы қаласында волонтерлер штабы құрылды. Штаб аясында қаланың барлық волонтерлері, сонымен қатар тұрғындармен бір­ле­се отырып штаб аясында жұ­мыс істеуге шешім қабылдадық. Жұмы­сы­мызда таңнан кешке дейін дамыл болған жоқ. Әкімшілік тарапынан еріктілерге тегін көлік беріліп, жұ­мыс орны белгіленді. Ыстық та­мақ­пен де қамтамасыз етілді. Осы орайда медицина саласында білімі бар еріктілердің жұмысын ерекше атап өткен жөн. Олар еріктілер тобының денсаулығын қадағалап, вирустың алдын алу шараларында алдыңғы шепте тұрды. Соның нәтижесінде бірде-бір ерікті вирус жұқтырған жоқ», деп атап өтті штаб жетекшісі.

Төтенше жағдайда жұмыс істеген еріктілер мұқтаж жандарға азық-түлік себеттерін жинап, үйлеріне жет­к­і­зіп беру жұмыстарын тұрақты іске асырып отырды. Сонымен бірге еріктелерден жалғызбасты зей­нет­керлердің уақтылы ыс­тық та­мақпен, азық-түлік және дәрі-дәр­­мекпен қамтамасыз етуін қада­ға­­лап, жеткізіп отыру жылдам­дық­ты, демалыссыз жұ­мыс істеуді талап етті. Қала бойынша жүргізілген мониторинг жұмыстарының нәти­же­сінде көптеген акцияның өтуіне мұрындық болған еріктілер шта­бы­ның мүшелері дәрі-дәрмектер тап­шылығы кезінде әлеуметтік аз қам­тылған тұрғындарға қолұшын берді. Жиырма мыңнан астам мұқтаж отбасы мен әлеуметтік жағдайы нашар азаматтарға қажетті өнімдерді таратуға қолдау көрсеткен еріктілер 284 отбасына қажетті дәрі-дәрмек, 60 отбасының балаларына мектепке қажетті тауарлар жиынтығын, 151 отбасына тұрмыстық қажеттіліктер, 78 отбасына қашықтан оқытуға керекті құралдар таратуға қол­ұшын берді. Сенім телефоны ар­қылы қала­ның 12 мыңнан астам тұрғынымен ақпа­­раттық-түсіндіру жұмыстары жүр­­гізіл­ді. Сонымен қатар қала әкім­­шілі­гімен бірлесіп, 20 мыңнан астам ­азық-түлік се­бе­ті дайындалды. Әлеу­меттік даму басқармасы және Төтенше жағ­дай­лар департаментімен бірле­сіп, мекемелерде карантиндік режім ере­желерінің сақталуын жүйе­лі түр­де бақылау мен адамдар көп шо­ғырланған жерлерде карантин шараларын сақтау бойынша түсіндіру жұ­мыстарының бел ортасында жүр­ген еріктілер штабы осы қиын кезең­де шыңдалумен қатар қала тұр­ғын­да­ры­ның алғысын арқалап жүр.

 

АЛМАТЫ

 

Соңғы жаңалықтар

Шыңғыстаудың Шәкірі

Әдебиет • Кеше

Жаны ізгі журналист

Егемен Қазақстан • Кеше

Ұқсас жаңалықтар