Аймақтар • 25 Наурыз, 2021

Шығыс Қазақстанда ірі көлемдегі есірткі жеткізу арнасының жолы кесілді

18 рет көрсетілді

Жарма ауданында ер адам аса ірі көлемдегі есірткіні еркін тасымалдаған, деп хабарлайды Egemen.kz Polisia.kz-ке сілтеме жасап.

ШҚО ПД Есірткі қылмысына қарсы іс-қимыл басқармасының қызметкерлері «Дәрмек» жедел-профилактикалық іс-шарасы аясында №5518 әскери бөлімінің арнайы жасағымен және Жарма аудандық ішкі істер бөлімінің қызметкерлерімен бірлесіп, Жарма ауданы Қалбатау кентінің маңында «Алматы-Өскемен» автожолында Volvo-580 маркалы автокөлікті ұстады.

Аталған автокөлік салонында Жамбыл облысының 39 жастағы тұрғыны мен автокөлік жүргізушісі болған.

– Жеңіл автокөлікті тінту барысында автокөлік ішінен автомашинаның екі қосалқы дөңгелегі табылды, олардың ішінен скотчпен оралған, кептірілген марихуана салынған 19 бума табылды, – деді ШҚО ПД бастығының орынбасары Талғат Шаяхметов.

Тергеу барысында күдіктінің танысына мән-жайды айтпай, оның автокөлігімен Өскемен қаласына дейін қосалқы дөңгелектерді жеткізіп беруді өтінгені анықталды. Бұған дейін аталған ер адам полиция қызметкерлерінің назарына ілікпеген. Жедел уәкілдер күдіктінің Жамбыл облысынан есірткі жеткізу арнасын ұйымдастыруға тырысқанын анықтады. Тәртіп сақшылары есірткі арнасына қатысы бар адамдардың жеке басын анықтап жатыр.

ШҚО бойынша Сот сараптамасы институтының қорытындысына сәйкес тәркіленген есірткінің жалпы салмағы шамамен 19,5 келіні құрайды. Күдікті қамауға алынды, ҚР ҚК-нің 297-бабының 3-бөлігі (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша сотқа дейінгі тергеу жүргізіліп жатыр.  Аталған қылмыс үшін мүлкін тәркілей отырып, 15 жылға дейін бас бостандығынан айыру жазасы көзделген.

Соңғы жаңалықтар

Жеті өңір «жасыл» аймақта

Қазақстан • Бүгін, 09:08

1459 адам коронавирустан жазылып шықты

Коронавирус • Бүгін, 09:04

1642 адамнан коронавирус анықталды

Коронавирус • Бүгін, 09:00

Өрт сөндіру бекеті ашылды

Аймақтар • Бүгін, 08:50

Спорт жаңалықтарына шолу

Спорт • Бүгін, 08:49

Басқа басылымдарға шолу

Әлем • Бүгін, 08:32

Алаш аманатына адал жан

Қазақстан • Бүгін, 08:21

Ұқсас жаңалықтар