Облыстық полиция департаменті баспасөз қызметінің ақпаратына сүйенсек, жыл басынан бері Атырау қаласы аумағында қайыршылықпен айналысқан 50-ден астам адам әкімшілік жауапкершілікке тартылған.
«Учаскелік полиция қызметкерлері Атырау қаласындағықоғамдық орындарда қайыршылықпен айналысатындарды анықтау, жолын кесу мақсатында рейдтік іс-шараларды жүргізді. Іс-шара кезінде 62 жастағы тұрғынның Ақсай селосындағы қоғамдық орында қайыршылықпен айналысқаны анықталды. Оған қатысты ҚР Әкімшілік құқық бұзушылық туралы Кодексінің 449-бабының 1-бөлігімен (Қоғамдық орындарда тиісу) әкімшілік хаттама толтырылып, 5 айлық есептік көрсеткіш көлемінде айыппұл салынды» деп хабарлады департаменттің баспасөз қызметінен.
