Бұл қылмыс әсіресе жастар арасында өріс алған. Мәселен, жуырда полиция бөліміне қаладағы колледждердің бірінің 21 жастағы студенті жүгінген. Ол «Samsung» ұялы телефонының ұрланғанын айтқан. Шығын 55 теңгені құрайды. Жедел уәкілдер бірер күн бұрын қаланың шеткі аудандарындағы дәмханалардың бірінде жәбірленушімен бірге алкогольдік ішімдік ішкен жүрісі сұйық 26 жастағы қалалыққа күдіктенеді. Ақыры, күдік расқа айналып, ол танысының мүлкін мас болып қалып ұрлағанын айтқан. Аталған факті Қылмыстық кодекстің 188-бабы - «Ұрлық» бойынша Сотқа дейінгі тергеп-тексерулердің бірыңғай тізіліміне енгізілді. Ұрланған заттың қайда екенін анықтау үшін полицейлермен шаралар қабылдауда. «Қалтафондар көбіне бірге алкогольдік ішімдіктер ішу барысында ұрланып жатады. Алкогольдік масаю адам сау кезінде жасамайтын теріс қылықтарды жасауға себеп болады», - дейді Екінші ПБ бастығы полиция подполковнигі Руслан Сыздықов.
