Қоғам • 07 Сәуір, 2021

Бейнебақылау камералары балаларға қатысты бұзушылықтарды жедел анықтайды

17 рет көрсетілді

Білім беру ұйымдарында бейнебақылау жүйелерін орнатқаннан кейін балаларға қатысты жасалған бұзушылықтарды жедел анықтауға мүмкіндік туды, деп хабарлайды Egemen.kz Білім және ғылым министрлігінің баспасөз қызметіне сілтеме жасап.

Жергілікті атқарушы және қорғаншылық органдары, қоғам белсенділері бейнекамералардағы жазбалар бойынша мониторинг жүргізіп, фактілері анықталған жағдайда бірігіп дабыл қағып, тиісті шаралар қолданады.

Бейнебақылау жүйелері меншік нысанына қарамастан, мемлекеттік, сондай-ақ жекеменшік мектепке дейінгі және орта білім беру ұйымдарында орнатылған. Бүгінгі таңда еліміздегі балабақшалар мен мектептердің барлығы дерлік бейнекамералармен қамтамасыз етілген.

«Білім беру ұйымдарында орнатылған бейнекамералардың арқасында біз балалардың құқықтарын бұзу және оларға қатыгездік таныту фактілерін дер кезінде анықтап, жедел шара қолдана аламыз. Соңғы уақытта балаларға қатысты мұндай фактілер көбейген сияқты болып көрінуі мүмкін, бірақ ол олай емес. Шын мәнінде, мұндай жағдайлар туралы көпшілік орнатылған камералар арқылы біле бастады. Қолда бар бейнежазбаларды пайдалана отырып, тиісті органдар балалардың құқықтарын қорғау бойынша жедел шешімдер қабылдап жатыр», деді ҚР БҒМ Балалардың құқықтарын қорғау комитеті төрағасының орынбасары Юлия Овечкина.

Соңғы жаңалықтар

Ветеринарлар қартайып барады

Қазақстан • Бүгін, 12:10

Көз тоймайтын коттедж қалашығы

Аймақтар • Бүгін, 08:33

Тілеулі батырдың қанжары

Руханият • Бүгін, 08:30

Ұқсас жаңалықтар