Экология • 08 Сәуір, 2021

ШҚО-да 5 тоннадан астам балық тәркіленді

17 рет көрсетілді

Көкпекті аудандық полиция бөліміне Тассай ауылының тұрғындары Зайсан көлінен заңсыз балық аулайтындары туралы жедел ақпарат келіп түскен. Тексеру кезінде көл жағасында орналасқан «Қарақас» учаскесінде 34 жастағы ер адамның заңсыз балық аулағаны анықталды.

Тексеру барысында «ВАЗ» автокөлігінен балық аулау құралдары және 150 келіден астам заңсыз ауланған балық (шортан, көксерке, табан) тәркіленді. Аталған дерек ҚР ҚК 335-бабы 1-бөлігі «балық ресурстарын, басқа су жануарларын немесе өсімдіктерін заңсыз өндіру» бойынша СДТБТ-де тіркелді.

- Сонымен қатар, жыл басынан бері табиғатты қорғау полициясының қызметкерлері мемлекеттік органдармен бірлесіп табиғатты қорғау заңнамасын бұзудың 237 фактісін анықтаған. Жалпы 5 тоннадан астам балық тәркіленді, – деді облыстың бас полицейі Сағат Мәдиев.

Бүгінгі таңда заңсыз балық аулағаны үшін 7 факті бойынша қылмыстық іс қозғалды. 230-дан астам балықшы әкімшілік жауапкершілікке тартылды. Жалпы шығын сомасы 14 млн теңгеден асты.

Естеріңізге сала кетейік, браконьерлерден тәркіленген балық арнайы балық қабылдау пунктіне тапсырылады. Ал түскен табыс мемлекет қазынасына аударылады.

Соңғы жаңалықтар

Ұқсас жаңалықтар