Оқиға • 13 Сәуір, 2021

Тұрлы­ханов президенттік қызметке қайта сайланды

498 рет
көрсетілді
1 мин
оқу үшін

Күні кеше Алатау баурайында өз мә­ресіне жеткен Олимпия ойындарының лицензиялық турнирі аясында өткен құрлықтық конгресте Дәулет Тұрлы­ханов Азия күрес кеңесінің прези­денттігіне қайта сайланды.

Тұрлы­ханов президенттік қызметке қайта сайланды

Қазақтың даңқты балуаны Қазақстанның және халықаралық турнирлердің жеңімпазы, КСРО-ның жеті дүркін чемпионы, Еуропа чемпионы, әлем чемпионаттарының алтын, күміс және қола жүлдегері, Әлем кубогының екі мәрте жеңімпазы, Азияның екі дүркін чемпионы, 1988 жылғы Сеул Олимпиадасының күміс, 1992 жылғы Барселона Олимпиадасының қола жүлдегері болған.

Бүгінде Қазақстанның Грек-рим, еркін және әйелдер күрестері федерациясының вице-президенті қызметін атқарып келе жатқан Дәулет Тұрлыханов Азия күрес кеңесінің президенттігіне екінші рет сайланды. Ол бұған дейін бұл қызметте 2017-2021 жылдары болған еді.