Экономика • 19 Сәуір, 2021

Бірінші тоқсанда – 19 848 бірлік автомобиль

14 рет көрсетілді

Қазақстан автобизнес қауымдастығының (ҚАБҚ) де­рек­­тері бойынша, 2021 жылдың үш айында ел аума­ғын­­да жалпы құны 140,4 млрд теңгеден асатын 19 848 бір­­лік техника шығарылған. Бұл көрсеткіштердің 66%-ы «СарыарқаАвтоПром» зауытына тиесілі.

Үш айдың қорытындысы бо­йынша Қостанай автомобиль зауыты 13 063 бірлік техника шығарды. Бұл өткен жылдың сәйкес кезеңімен салыстырғанда 34,7% -ға артық (9 694 бірлік).

Өсім өңірде шығарылатын Chevrolet автомобильдеріне деген бел­сенді сұраныстың нәти­же­сінде бо­лып отыр. Бұл кө­лік­тер бүгінгі таң­да қазақ­стан­дық нарықтағы ең көп сұра­нысқа ие автомобильдер тізімін бастап тұр. Бірінші тоқсанда осы брендтің 10 153 бірлігі өндірілді.

«Біз үнемі автомобиль өндірі­сінің деңгейін көтеру­ге ғана емес, сонымен бірге жергіліктілендіру деңгейінің жоғарылаған заманауи өнімдерін шығаруға да ұмтыламыз. Осы бағыт­тардағы даму бүгінде Қазақстан нары­ғы туралы ғана емес, экспорт тура­лы да айтуға мүмкіндік береді. Соны­мен, жыл басынан бері 2 мыңға жуық өнім шетелге жіберілді», деді «СарыарқаАвтоПром» ЖШС директоры Сырым Семейбаев.

2020 жылы зауыт өнімділіктің рекорд­тық деңгейіне қол жеткіз­ді – 40 050 бірлік (елдің бар­лық техникасының 51,7%-ы). Биыл кәсіпорын қолданыс­тағы Jac, Chevrolet, UAZ және MAN брендтерінің жоғары сұраны­сына ғана емес, сонымен қатар жаңалары іске қосу­ға сүйене отырып, осы көрсет­кіш­терден асып түсуді жоспарлап отыр.

Сонымен қатар 2021 жылғы нау­рызда зауыт KIA авто­мо­бильдерін шығаруды бастады. Өткен айда Қос­танайда «СарыарқаАвтоПром» мен «АвтоВАЗ» арасында серіктестік тура­лы келісімге қол қойылды.

Қазақстанның ірі автомобиль зауытының биылғы жоспарланып отырған көлемі отандық өндіру­шілерге жылына 100 мың бірлік техника белгісіне шығуға мүмкіндік береді.

 

 

Соңғы жаңалықтар

Ақыретке дейінгі адалдық

Өнер • Бүгін, 10:23

Ұқсас жаңалықтар