Спорт • 20 Сәуір, 2021

Александр Бублик Барселона турнирін жеңіспен бастады

125 рет
көрсетілді
1 мин
оқу үшін

Қазақстанның бірінші, әлемнің 42-ракеткасы Александр Бублик Барселона ATP 500 турнирінің екінші айналымына шықты, деп хабарлайды Egemen.kz.

Александр Бублик Барселона турнирін жеңіспен бастады

Қазақстандық теннисші бастапқы кездесуін әлемнің 48-ракеткасы, испаниялық Алехандро Давидович Фокинамен өткізді.

Бірінші партияда А.Бубликтен екі жас кіші, 21-дегі испаниялық спортшы басымдылық танытты – 6:2. Ол екінші сеттің ортасына дейін сенімді ойнады.

Екінші партияда есеп 5:5 болған мезетте қазақстандық теннисші брейк жасап кетті. Сосын өз геймін оңай ала білді – 7:5.

Үшінші, шешуші партияда тағы екі брейк жасаған А.Бублик матчты жеңіспен түйіндеді – 6:2.

Бәсеке 1 сағат 31 минутқа созылды.

А.Бублик екінші айналымда әлемнің 25-ракеткасы, аустралиялық Алекс де Минормен алаңға шығады.

Барселона додасы 25 сәуірде мәреге жетеді.

 

Соңғы жаңалықтар

Су үнемдейтін қондырғы

Технология • Кеше