Медицина • 21 Сәуір, 2021

Еліміздің бас санитарлық дәрігері сөгіс алды

62 рет көрсетілді

Еліміздің Денсаулық сақтау вице-министрі әрі бас санитарлық дәрігері Ерлан Қиясовқа сөгіс жарияланды. Бұл туралы Nur Otan партиясының бақылау комитетінің төрағасы Артур Платонов мәлімдеді, деп хабарлайды Egemen.kz

Бұған дейін әлеуметтік желілерде Платоновқа министрлердің жекелеген орынбасарлары, өңірлердегі шенеуніктер азаматтармен кездесулер кезінде қандай да бір мәселелер бойынша кенеттен «партиялық міндеттемелерді орындаудан «басын алып қашуға тырысады» деген шағыммен жүгінген болатын.

«Әсіресе, адамдар қазіргі қиын кезеңде «барлығы қымбаттап жатыр» деген уәжін жиі айтады. Партияның тиісті міндеттемелері орындала ма? Партияның төсбелгесін тақтыңыз деп, онымен мәселе шешіле қоймайды», дейді А.Платонов.

Оның айтуынша, партия құрамына өткен әр депутат жұмысына жауапкершілікпен қарауы тиіс.

Партиялық бақылау комитетінің басшысы 2019 жылғы 21 тамызда Саяси кеңестің кеңейтілген отырысында Nur Otan партиясының Төрағасы Нұрсұлтан Назарбаев партияны қайта жүктеу бағдарламасының негізгі тезистерінің бірі – партиялық тәртіпті, рангына, лауазымына, мәртебесіне қарамастан, сайлаушылар алдындағы жауапкершілікті арттыру екенін атап өтті. Оның ішінде партияға қатыстылығын көпшілік алдында көрсету, партияның рәмізіне құрмет көрсету мәселелері жіті қадағаланған.

«Алдағы уақытта сайлауалды бағдарламалардың кезең-кезеңімен орындалуына және оны жіті қадағалауға уәде береміз. Nur Otan партиясының мүшелері болып табылатын саяси қызметкерлердің партиялық рәміздерді міндетті пайдалануы туралы тапсырмасын орындау мониторингінің деректері бойынша Денсаулық сақтау вице-министрі Е.А.Қиясов, Қызылорда облысы әкімінің орынбасары Б.Д.Жаханов, Алматы қаласы әкімінің орынбасары М.С.Кикимов партиялық рәміздерсіз жүруді қалайтынын мәлімдеуге мәжбүр. Олардың қатарында Шығыс Қазақстан облысы әкімінің орынбасары Ш.С.Буктугутов, Жезқазған қаласының әкімі Қ.Б.Абсаттаров бар», деп айтты А.Платонов.

Осыған орай Nur Otan партиясының мүшесі Ерлан Қиясовқа жүйелі түрде жасалған бұзушылықтары үшін «сөгіс», ал партия мүшелері Б.Жаханов, М.С.Кикимов, Ш.С.Буктугутов және К.Б.Әбсаттаровқа «ескерту» жарияланды.

Соңғы жаңалықтар

Ұқсас жаңалықтар