Өңірлердегі жағдайды бағалау матрицасы бойынша бас қала бір айдан астам уақыт «қызыл» аймақта тұр, деп мәлімдеді қаланың бас санитар дәрігері Сархат Бейсенова.
«Күніне 350-ден 650-ге дейін жағдай тіркеледі. Соңғы аптада ауру көрсеткіші өткен аптадан 9,7%-ға жоғары, 100 мың тұрғынға шаққандағы көрсеткіш 320,43 адамды құрайды. Репродуктивті саны-1021. Жыл басталғалы бері қаламыздағы науқастар саны-22 мыңнан асты, ал пандемия басталғалы бері 41214 жағдай тіркелді», деп түсіндірді елорданың бас санитары.
Жас құрылымы бойынша науқастардың ең жоғары деңгейі ересектердің арасында тіркеледі, олар КВИ-мен ауырғандардың 79,9%-ын құрайды, балалар 17,3%-ды, ал инфекциямен ауырған жасөспірімдердің жалпы саны 2,8%-ға жетіп отыр.
«Науқастар арасында 14 жасқа дейінгі балалардың саны үш есеге артқаны байқалады. Қаңтарда-571, ақпанда-479, наурызда-1106, сәуірде-1790. Айта кетейік инфекция жұқтыру балалардың барлық жас топтарында байқалады», деді Сархат Бейсенова.
Гаухар ҚАПАШ
