Қоғам • 26 Сәуір, 2021

Алматыға QazCovid-in вакцинасының алғашқы партиясы келді

18 рет көрсетілді

Өткен аптада Жамбыл облысындағы фармацевтикалық зауыттан 50 мың доза көлемінде Қазақстанда жасалған, тауарлық атауы «QazVac» вакцинасының бірінші партиясы жөнелтілді, деп хабарлайды Egemen.kz

Препарат Алматы қаласы Қоғамдық денсаулық басқармасының қоймасына түсті. Жалпы алғанда Алматыға 6 мың доза (1 және 2 компонент бойынша) берілді, олар ҚДБ медициналық ұйымдарына бөлініп берілді. Бұл препарата 3 мың адамды вакцинациялауға жеткілікті. Қала тұрғындарының қалауы бойынша қазақстандық немесе ресейлік препаратты таңдай алады.

QazCovid-in вакцинасын ҚР Білім және ғылым министрлігі Ғылым комитетінің Биологиялық қауіпсіздік проблемаларының ғылыми зерттеу институты әзірлеген. QAZ-COVID-IN – өлі вирустан жасалған вакцина. Бұлшық етке 0,5 мл/дозасы енгізіледі.

Құрамында SARS-CoV-2 тазартылған инактивирленген тұтас вирионды штамы бар. Ол химиялық реагентпен "өлтірілген" 2019-ncov вирусына негізделіп жасалынған. Мұндай вакциналарда дене қызуы көтерілмейді, қатерсіз. Сондай-ақ Sputnik-V вакцинасы сияқты екі компонентті және 21 күндік интервалмен салынады.

Отандық вакцинаның артықшылықтарының бірі – сақтау шарттары. Егер Sputnik-V вакцинасы тоңазытқышта -18 градус температурада сақталса, ал QazVac вакцинасы 2-8 градус температурада сақталады. Бұл препаратты өндірушіден тұтынушыларға жеткізу логистикасын жеңілдетеді.

Клиникалық зерттеулердің бірінші кезеңіне 18-65 жас аралығындағы 44 ерікті, екінші кезеңге – 200 адам, үшінші кезеңге – 3 мың адам қатысты. Қазақстан Дүниежүзілік денсаулық сақтау ұйымының реестріне өзінің ковидке қарсы вакцинасын тіркеді.

Соңғы жаңалықтар

Ұқсас жаңалықтар