Медицина • 05 Мамыр, 2021

Науқас балалар кемсітілмеуі тиіс

13 рет көрсетілді

АИТВ және басқа да созылмалы аурулармен өмір сүретін балалар және жасөспірімдерге, олардың ата-аналарына психологиялық қолдау көрсету – өмір сүру сапасын жақсартуға бағытталған маңызды қадамдардың бірі.

Қазақ дерматология және ин­фекциялық аурулар ғылыми орта­лығының мәліметтері бо­йынша елімізде ағзаның иммун тапшы­лығы вирусына шалдыққан 500-ден астам бала мен жасөс­пірім тіркелген. АИТВ-мен өмір сүретіндерге қатысты кемсіту­шіліктің көптеп кездесуіне байланысты былтырғы жылдан бастап Еңбек және халықты әлеуметтік қор­ғау министрлігі, Денсаулық сақ­тау министрлігі мен ЮНИСЕФ маман­дары алты өңірлік мектепте пси­хоәлеуметтік қолдаудың ұлттық стандарттарын енгізудің қанат­қақты жобасын жүзеге асырған болатын. Осы орайда сарапшылар мектептерде, интернаттарда, мектепке дейінгі және медициналық меке­мелерде кемсітушілік жағдай­лардың көп кездесетіндігін анықтаған.

БҰҰ Балалар қорының (ЮНИСЕФ) Қазақстандағы өкіл­дігі Еңбек және халықты әлеумет­тік қорғау министрлігі, С.Асфен­дияров атын­дағы Қазақ ұлт­тық медицина уни­верситеті және «АИТВ-мен өмір сүретін адам­дардың Орталық-Азиялық қауым­дастығы» бірлесіп ұйымдастырған АИТВ және басқа да созылмалы аурулар­мен өмір сүретін балалар мен жасөс­пірімдерді қолдауға бағытталған ақпараттық науқан ендігі кезекте Алматы, Шығыс Қазақ­стан, Қара­ғанды, Түркістан облыс­тары және Алматы, Шым­кент қалаларындағы  30 мектепте сәуір, мамыр айларында жал­ғасын табатын болады.

Еңбек және халықты әлеуметтік қорғау вице-министрі Ерлан Әуке­нов атап өткендей, аталған шара АИТВ-мен және өзге де созылма­лы аурулармен өмір сүретін бала­­лар мен жасөспірімдерге жағым­­сыз күйзелістерге бой алдыр­май, денсаулығын сақтауға бағыт­талған.

«АИТВ-мен өмір сүретін адам­дардың Орталық Азия қауым­дастығы» ЗТБ президенті Нұрәлі Аманжоловтың айтуынша, балалар мен жасөспірімдердің мүддесі үшін мектеп қызметкерлерінің АИТВ, оның берілу жолдары мен алдын алу туралы толық білі­мі болуы маңызды. АИТВ бала­ның басқаларға ешқандай қауіп төн­дір­мейтінін, ал мектеп – кемсіту­шіліктен қорықпай, әркім қолдау таба алатын орын екенін түсінуі тиіс. Аталған қор тарапынан «Стигма индексі» бойынша зерт­теу жүргізілген. Зерттеу нәти­жесі көрсеткендей, бұл ауруға шал­дық­қандардың басым көпшілігі кемсіту­шілікке медициналық ұйым­дарда тап болады екен. Аталған қор оны болдырмаудың жолда­рын қарастыра отырып, дәрі-дәрмек бағасын арзандатуға, емдеу хаттама­сын жақсартуды жетілдіріп келеді. Қа­зақстандағы ЮНИСЕФ өкілі Артур ван Дизен атап өткендей, әр баланың кемсітусіз және құқық­тары мен мүдделері бұзыл­май өмір сүруге құқығы бар. Сон­дық­тан да осал топқа жататын балаларға ерекше назар аудару керек. Мектептерде қолдау көрсетіп, түсіністікпен қарау керек. Осындай орталарда ғана өздерін жайлы сезіне алатын АИТВ-мен өмір сүретін балалар үшін мектеп оқушылары мен қызметкерлерінің достық пейілі және қолдау көрсетуі аса маңызды.

 

Соңғы жаңалықтар

Бір облыс «қызыл» аймақта тұр

Коронавирус • Кеше

Ұлы дала мұралары

Елорда • Кеше

Екі жүлде – «егемендіктерде»

Егемен Қазақстан • Кеше

Тбилисиде топ жарды

Спорт • Кеше

Кардинг шабуылы

Қоғам • Кеше

Ұқсас жаңалықтар