1979 жылы туған азамат Б.Нұртазин биыл 12 сәуір күні емханаға коронавирустық инфекцияға қарсы вакцинаның алғашқы дозасын алу үшін жүгінген. Процедура хаттамаға сәйкес өтті. Екпеден кейін Б.Нұртазин 30 минут бойы бақылауда болған, ешқандай шағым жасамаған.
21 күннен кейін вакцинаның екінші компонентін алған. Дәрігерлер қараған кезде жағдайы қанағаттандырарлық болған, екпе процедурасынан кейін 30 минут бақылауда болып, Б.Нұртазин үйіне кеткен.
Жағдайы үйінде нашарлаған. Жедел жәрдем келгенге дейін қайтыс болған.
«Алдын ала болжамдарға сәйкес, жедел жүрек-қантамыр жетіспеушілігінен қайтыс болған. Қайтыс болу себептерін анықтау үшін тергеу жүргізіліп жатыр, сот-медициналық сараптама басталды. Нәтижелер қосымша хабарланатын болады», дейді қалалық ішкі істер басқармасы өкілдері.
Нақты диагноз гистологиялық зерттеуден кейін белгілі болады.
