Аймақтар • 11 Мамыр, 2021

Індетпен күресте ілгерілеу бар

15 рет көрсетілді

Пандемия басталғаннан бері Қарағанды облысында 24 мыңнан аса адам коронавирус инфекциясымен ауыр­ған екен. Қарап тұрсаңыз жағдай әлі де өзгере қой­маған: аймақта күн сайын коронавирус инфекциясын жұқ­тырудың 200-ден 250-ге дейін оқиғасы тіркелетін көрінеді.

Бұл турасында және өңірдегі эпидемиялық жағдайдың жалпы сипаты жайында өткен ап­тада жергілікті коммуника­циялар қызметі алаңында об­лыстық денсаулық сақтау бас­қармасының басшысы Гамаль Тоқсамбаев мәлім етті.

Өңірдегі бас дәрігердің айтуынша, Қарағанды облысында екпе салдыру ісі екпінді түр­­де жүргізіліп келеді. Нақ­ты­рақ айтқанда, өткен ап­та­дағы мәлімет бойынша облыс­та 123 671 адам жаман тұ­мау­ға қарсы вакцинаның алғаш­қы компонентін алған. Ал өңір­дің 21 904 тұрғынына екінші компонент егіліпті. Де­генмен осы шараларға қара­мастан, Қарағанды облысы бұ­рын­ғы­сынша «қызыл аймақ» шең­ге­лінен шыға алмай отыр.

Облыстың бас дәрігері өңір­де 288 мобильді бригаданың қызметкерлері пациенттердің жағдайын бақылаумен бірге алғашқы медициналық-са­ни­тарлық көмек көрсетіп жүр­генін де атап өтті. Мәселен, үй ошақтарында инфекция та­ралуының алдын алу үшін бар­лық жұқтырған пациенттер тәулік бойы бақылауға алы­нады. Олардың арасында асимп­томатикалық және аурудың же­ңіл ағымы бар адамдар да бар.

Гамаль Тоқсамбаев бүгінде облыста 4 819 төсектік орын­­ның консервацияланғанын атап өт­ті. Ал жансақтау бөлімшелерін­де жатқандардың көбісінің жасы 65-тен асқандар екен. Қазіргі уақытта олардың саны 72 адамға жеткен. Облыстың бас дәрігері бү­гін­де алғашқы медициналық-санитарлық көмек көрсететін ұйымдар қызметінің күшейгенін айтты.

– ПТР-тест инфекция жұқ­тырғанын анықтап, үйінде карантин жағдайында отырған па­циенттер біздің мамандардың жіті бақылауында. Олардың жағ­дайы ауырламас үшін ал­дын ала емдеу шаралары таға­йын-
­­далады. Бұл шаруаны іске асы­­ру үшін 208 мобильді брига­да жұмыс істеп жүр. Жалпы, эпи­демиялық жағдай ауырлап кетер болса, оның алдын алу мақ­сатындағы жұмыстар жан-жақты қарастырылған. Мыса­лы, облыста дәрі-дәрмектің үш ­айға жететін қоры бар, – деп мәлім­деді Г.Тоқсамбаев.

Еске сала кетсек, облыста вакциналау науқаны биылғы 1 ақ­паннан басталған болатын. Қазіргі таңда өңірдегі барлық қалалар мен аудандарда 115 иммундау кабинеті жұмыс іс­тейді. Жұмыс күндері 8 ірі сауда ор­талығында егу кабинеттері ашылғанын да айта кету керек.

Брифинг барысында об­лыс­тың бас дәрігері өңір тұр­ғындарының Қарағанды қа­ла­сындағы фармацевтика­лық за­уытта ресейлік техноло­гия бо­­йынша өндірілетін Спутник V­ және отандық QazVac ек­пе­сін алып жатқанын атап өтті. Сонымен бірге ол об­лысқа Қы­тайдың Sinopharm вак­цина­сының жеткізілгенін де мәлім етті.

 

ҚАРАҒАНДЫ

 

Соңғы жаңалықтар

Алексей Цой отставкаға кете ме?

Қазақстан • Бүгін, 15:37

Ұқсас жаңалықтар