Апелляциялық кеңестің шешімімен Жомарт Ертаев түрмеде 11 жыл емес, тек тоғыз жыл қамауда болатын болды. Соттың оған қатысты басқа үкімдері өзгеріссіз қалдырылды.
Qazaq banki-нің бұрынғы акционері Бақыт Ибрагим де жеңілірек жаза алды. Бұрын тағайындалған сегіз жыл бас бостандығынан айыру жазасы жеті жылға дейін азайтылды.
Сондай-ақ Bank RBK басқармасының бұрынғы төрағасы Игорь Мажинов сегіз жылға сотталған болатын. Оның мүлкін тәркілеумен бірге бостандықты жеті жылға шектеу қарастырылған.
Олардан басқа, тағы 18 сотталушыға қатысты үкім өзгертілді.
