![12 жасар қызды зорлады деген айыпталушы ақталып шықты](/media/2021/06/10/crop-7_5_494x871_c5a191ed31b0951e380af8249b045039_xl.jpg)
«Немолчи.kz» қорының мәліметінше, 12 жасар Ақмола облысының тұрғыны 2019 жылдың желтоқсанынан 2020 жылдың маусымына дейін жыныстық зорлық-зомбылыққа ұшыраған. Топтасқан қылмысты 25-26 жас аралығындағы жергілікті үш ер адам жасаған.
«Кәмелет жасына толмаған қызын ересек ер адамдар зорлағаны туралы анам кездейсоқ біліп қалған. Әйел баланың денесінде көгерген жерлерді байқағанымен, жасөспірімді сөйлете алмаған. Ананың күдігі медициналық тексерістен кейін расталды», делінген «Немолчи.kz» қорының хабарламасында.
Қыз қорыққанына ештеңе айтқысы келмеген. Бірақ барлық жағдай психологтың көмегімен анықталды.
Қыздың айтуынша, ағасының үш досы оны жыныстық қатынасқа мәжбүрлеген. Қылмыскерлердің батыл болғаны соншалық, қыздың үйіне келіп жүрген. Қызды «сыныптастарыңа бәрін айтып беремін» деп қорқытып келген.
Қыздың туыстары бар жағдайдан хабардар бола салысымен, жасөспірімнің сөзін растаған күдіктілердің бірін ұстады.
«Мен мас едім. Иә, мен оны зорладым», деп жауап берген күдікті жігіт. Кейін қалғандары да ұсталған.
25 мамырда Көкшетауда үш күдіктінің екеуіне үкім шығарылды. Олар 120-баптың 4-бөлігі (Зорлау) бойынша кінәлі деп танылды. Бір сотталушы 20 жылға, екіншісі 21 жылға қамауға алынды. Сонымен қатар әр адам екі миллион теңге моральдық зиян төлеуі керек.
Ал үшінші күдікті алқабилердің сотын қарауды талап етті және 8 маусымда олар өз үкімдерін шығарды.
«Алқабилер үшінші сотталушыны толықтай ақтап, ол сот залынан шығып кетті. Қыздың анасы жылаған күйі, бізге барлық қазылар алқасы ұяттан бастарын салбыратып отырғанын хабарлады», делінген қор өкілдері таратқан жазбада.
Оның қылмысқа қатысы барын дәлелдеу үшін ата-аналар мен құқық қорғаушылар шығынға батып отыр. Бұған дейін сараптама сотталушының ДНҚ-сын растаған, тіпті тергеудің басында оның кінәсін мойындаған айғақтары да бар.
Осының алдында ғана әлеуметтік желілерде Қараөткел ауылының тұрғыны Зарина Кемелова 12 жасар қызды топтық зорлау ісі әділетсіз жүргізіліп жатыр деп шағымданған.