Жинаққа Абайдан бастап, Қасым Аманжолов, Жұбан Молдағалиев, Кемел Тоқаев, Олжас Сүлейменов, Мұрат Әуезов, т.б. қазақ қаламгерлерінің шығармалары енген.
Қазақстан Республикасының Беларусь Республикасындағы Төтенше және өкілетті елшісі Асқар Бейсенбаев таныстыру рәсімінде екі ел арасындағы мәдени және гуманитарлық ынтымақтастық алдағы уақытта да жалғасатынын тілге тиек етіп: «Біз бүгін Қазақстан мен Беларусь басшылығының бірлескен күш-жігерінің арқасында екі елдің мәдени диалогы сенімді болып көрінетінін мақтанышпен айта аламыз», деді.
Сондай-ақ Беларусь Ұлттық кітапханасының директоры Оксана Книжникова соңғы уақытта екі ел арасындағы қарым-қатынастар қарқынды дамып келе жатқанын атап өтті.
Қазақстанның әдеби мұрасының үздік үлгілерін Николай Метлицкий, Михаил Поздняков және басқалар аударған. Сондай-ақ екі ел арасындағы әдеби байланыстың жалғасы ретінде Мұхтар Әуезовтің «Абай жолы» роман-эпопеясы жарық көрмек. Шығарманы Михаил Поздняков тәржімалауда. Ал альманахтың кезекті шығарылымы алдағы жылға жоспарланып отыр.
Кездесу қорытындысы бойынша Қазақстан мен Беларусь жазушылары екі елдің ынтымақтастығы мен әдеби байланыстарын одан әрі кеңейту жөнінде нақты ұсыныстар әзірлемек.
