Жаңа қаулы ҚР аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссия отырысының 2021 жылғы 22 маусым күнгі хаттамасына сәйкес қабылданған болатын.
Оған сәйкес, мемлекеттік органдардың, ұлттық компаниялардың, кәсіпорындардың әкімшілік қызметкерлерінің кемінде 80% қашықтан жұмыс істеу тәртібіне көшуі керек. Ал вакцинаны толық қабылдаған қызметкерлер офлайн режимдегі жұмысқа жіберіледі.
«Өндірістік қажеттілікке байланысты меншік нысанына қарамастан мемлекеттік органдардың (ұйымдардың), ұлттық компаниялардың, кәсіпорындардың әкімшілік персоналының кемінде 80% қашықтан жұмыс істеу түріне көшірілуі тиіс. Бұл ретте соңғы 3-6 ай ішінде COVID-19-ға қарсы вакциналаудың толық курсын алған және COVID-19-бен ауырып жазылған барлық қызметкердің күндізгі режимде жұмыс істеуіне рұқсат беріледі», делінген қаулыда.
