Саясат • 02 Шілде, 2021

Орталық Азия аймағындағы жетекші қаржы орталығы

30 рет көрсетілді

Президент Қасым-Жомарт Тоқаев «Астана» халықаралық қаржы орталығын басқару жөніндегі кеңестің кеңейтілген отырысын өткізді, деп хабарлады Мемлекет басшысының баспасөз қызметі.

Жиын барысында «Астана» халықаралық қаржы орталығының 2020 жылы атқарған жұмыстары қорытындыланды, сондай-ақ оны әрі қарай дамыту жөніндегі ұсыныстар қарастырылды.

Іс-шараға қатысушылардың баяндамасын тыңдаған Қасым-Жомарт Тоқаев қаржы орта­лығын одан әрі дамытудың бір­қа­тар өзекті міндеттерін белгілеп берді.

Атап айтқанда, Президент АХҚО биржасындағы компания­ларды тиімді жекешелендірудің маңызды екенін атап өтті. Со­ны­мен қатар бұған дейін қабыл­данған Жекешелендірудің 2021-2025 жылдарға арналған кешенді жоспарына назар аударды. Онда 600-ге жуық мемлекеттік ак­тив­ті бәсекелестік ортаға салу­дың мерзімі мен жолдары айқын­дал­ған.  

– Қаржы орталығын дамыту барысында бірқатар ірі ком­па­нияны, атап айтқанда «Қаз­мұ­най­газды», мүмкін «Қазтранс­газ­ды» да IPO-ға шығарудың маңызы зор. «Самұрық-Қазына» қо­рына қарасты ірі компаниялар IPO-ға шығаруда басымдыққа ие екені сөзсіз. Отандық қор алаң­­да­рының әлеуетін барынша пай­­далана отырып, «Халықтық IPO» өткізуді қолдаймын, – деді Мем­лекет басшысы.

Қасым-Жомарт Тоқаев АХҚО биржасына мемлекеттік бағалы қағаздарды шығару туралы ұсы­нысты қолдады.

 – Жұмыс істеп жатқан инвес­торды қазақ­стандық бір алаңнан екінші алаң­ға жай ауыс­тыра салу болмауға тиіс. Керісінше, «қосымша құн» қалып­тасуы керек. Орталықтың міндеті – мемлекеттік қағаздарды орналастыру үшін барынша тиімді жағ­дай жасалуын қамтамасыз ету, – деді Президент. 

Сонымен қатар Қасым-Жомарт Тоқаев АХҚО-ның лицен­зия­сына ие компаниялардың елі­міздегі бүкіл қаржы нарығына қолжетімділігін қамтамасыз ету жөніндегі ұсынысты қолдады. Оның пікірінше, қаржы жүйесінің тұрақтылығына төнетін қа­уіп-қатерлерді талдап, баға беру керек.

– Бәсекелес реттеуші режім­дер проблемасының және бірыңғай реттеушінің, яғни жа­уапты мемлекеттік органның болмауы мәселесінің алдын алған жөн. Қаржылық, фискалдық және валюталық заңнамада шикілік бол­мауға тиіс. Әйтпесе, сол арқы­лы бақылауға алынбаған капи­талдың елімізден жылыстатылуы мүмкін, – деді Президент.

Отырысты қорытындылай келе, Президент «Астана» халық­аралық қаржы орталығының 2020 жылы атқарған жұмыстарының есебін бекітіп, Үкіметке, Ұлттық банкке және басқа да мүдделі органдарға үш ай мерзім ішінде айтылған бастамалар бойынша келісілген ұсыныстар енгізуді тапсырды. 

АХҚО-ның дағдарыстан кейінгі қайта қалпына келтіру кезеңіндегі маңызды рөліне тоқталған Қасым-Жомарт Тоқаев аталған алаңның барлық әлеуетін пайдалану қажеттігін атап өтті. Бұл Орталық, Ұлттық банк, Қаржы нарығын реттеу және дамыту агенттігі арасындағы жүйелі әрі үйлесімді іс-қимылдарды жолға қоюды қажет етеді. 

– Тек бірлескен күш-жігер ғана алға қойған мақсаттар мен міндеттерге қол жеткізуге мүм­кін­дік береді. Бұл Қазақстанның одан әрі дамуы үшін аса маңызды, – деді Қасым-Жомарт Тоқаев.

Президенттің пікірінше, АХҚО Орталық Азия айма­ғын­дағы жетекші қаржы орталығына айналған.

– Біздің ортақ міндетіміз – Орталықтың әлеуетін толық пайдаланып, оның аймақтық және жаһандық деңгейдегі ауқымын кеңейте түсу, – деді Мемлекет бас­шысы.

Жиын барысында Стра­те­гиялық жоспарлау және реформалар агенттігінің төрағасы, АХҚО басқарушысы Қайрат Келім­бетов, Қазақстан Президентінің экономикалық даму жөніндегі штаттан тыс кеңесшісі, Рефор­­малар жөніндегі кеңес төраға­сының орынбасары Сэр Сума Чакрабарти, Ислам даму банкі тобының президенті Бандар Хад­жар, Citigroup банкінің үкімет­тер мен мемлекеттік секторы жаһандық блогінің басшысы Джули Монако, G30 тобы Қам­қор­шылар кеңесінің төрағасы Джей­коб Френкель және АХҚО-ның бірқатар институтының жетек­шілері баяндама жасады.

Соңғы жаңалықтар

Киногерлер ағаш отырғызды

Қоғам • Бүгін, 09:17

Үшінші алтын қоржында

Спорт • Бүгін, 09:07

Кене шағудың кесапаты

Қоғам • Бүгін, 09:05

Саладағы сары уайым

Қоғам • Бүгін, 09:02

«Акула» мансабын аяқтайды

Спорт • Бүгін, 09:00

Мықтылардың біразы ұтылды

Спорт • Бүгін, 08:57

Жыр арқауы – «Қанатты қыз»

Аймақтар • Бүгін, 08:54

Үшінші кезеңнен үміт зор

Экономика • Бүгін, 08:40

Харьков қақтығысы

Әлем • Бүгін, 08:39

Шикізатқа зәрулік басым

Аймақтар • Бүгін, 08:33

Серпінді іске сенеді

Аймақтар • Бүгін, 08:30

Берекеге бастар бес бағыт

Референдум-2022 • Бүгін, 08:28

Референдум өткізуді қолдайды

Референдум-2022 • Бүгін, 08:25

Сайлаушылармен кездесті

Аймақтар • Бүгін, 08:22

Өзгерістер үлкен маңызға ие

Референдум-2022 • Бүгін, 08:17

Ұқсас жаңалықтар