«Отбасы банк» АҚ-да ашылған қазақстандықтардың арнайы шоттарына Бірыңғай жинақтаушы зейнетақы қоры 2021 жылғы 8 шілдедегі жағдай бойынша 1,5 триллион теңгеден астам аударды. 176 миллиард теңге көлеміндегі қаражат 45 күн өткеннен кейін пайдаланылмаған ретінде БЖЗҚ-ға қайтарылды. 205 659 қазақстандық enpf-otbasy.kz платформасы арқылы тұрғын үй жағдайын жақсартуға және емделуге жалпы сомасы 1,2 триллион теңге болатын зейнетақы төлемдерін пайдаланды. Олардың үштен бірі - әйелдер (64 685), ал үштен екісі - ер адамдар (140 974).
ЖТҚ пайдалану бойынша бірінші орында - Маңғыстау облысының тұрғындары - 33 682 адам, жалпы сомасы 312 миллиард теңгеге жуық. Екінші орында Нұр-Сұлтан қаласы - 32 216 адам, елорда тұрғындары шамамен 197 миллиард теңгені пайдаланды. Алматы үшінші орында - 27 396 адам. Алматылықтар жалпы сомасы 213 миллиард теңгеге жуық зейнетақы жинақтарын пайдаланды.
«Отбасы банкте» ипотекалық тұрғын үй қарызын алу үшін ЕЖШ пайдалана отырып, бастапқы жарнаны қазақстандықтардың көпшілігі - 9 359 адам қайталама тұрғын үйді (167 млрд теңгеден астам) таңдады. Қалған 1 729 адам бастапқы тұрғын үйді таңдады (36 млрд теңгеден астам). 100-ден астам адам зейнетақы артығын құрылыс, жөндеу және қайта қаржыландыру үшін пайдаланды (2 млрд теңгеден астам).
