Саясат • 27 Шілде, 2021

Белсенділік жоғары болды

35 рет көрсетілді

Қазақстанда ауыл әкімдерінің тікелей сайлауы өтті. 14 облыста 1847 сайлау учаскесінде азаматтарымыз өз таңдауын жасады. 730 орынға екі мыңнан астам үміткер өз кандидатураларын ұсынды. Бұл бір орынға 3 үміткерден артық бәсекелестік болғанын білдіреді. Пассивті сайлау құқығын пайдаланудағы бұл белсенділік – халықтың саяси процеске жоғары қатысуының көрсеткіші.

Менің ойымша, бұл сайлауды саяси жүйені реформалау процесіндегі оң қадам деп атауға болады. Ауыл әкімін жанама таңдаудан тікелей дауыс беруге көшу шеңберінде біз ауыл халқының шешім қабылдау процесіне белсенді қатысуына ықпал ететін маңызды қадамдардың бірін жасадық. Тікелей сайлау өткізу кейіннен сайлаушыларға жаңа әкімнің жұмысына өз көзқарасын білдіруге мүмкіндік береді.

Дауыс беру күнінің алдын ала қорытындысы бо­йын­ша біз сайлаушылардың жоғары белсенділігін бай­қа­дық. Кей­бір өңірлерде сайлаушылардың дауыс беру­ге қа­ты­су көр­сеткіші 90%-дан асты. Бұл осы саяси оқиға­ға ауыл тұр­ғындарының ерекше қызығушылығын көр­сетеді.

Сонымен қатар сайлаушылар болашақ әкімді таңдауда өте жауапты болуы керек, өйткені бұл жай ғана «келді, көрді, дауыс берді» әрекетінің алгоритмі емес. Бұл – өз ауылының болашақ дамуын таңдау, мұның өзі үміткерлердің сайлауалды бағдарламасын және өздері дауыс беретін адамдардың кім екендігін зерттеп білуді талап ететіндігі анық.

 

Индира РЫСТИНА,

Президент жанындағы ҚСЗИ әлеуметтік-саяси зерттеулер бөлімінің басшысы

Соңғы жаңалықтар

Бейбіт атом – орнықты даму кепілі

Қазақстан • Бүгін, 22:40

Халықаралық кездесулер

Қазақстан • Бүгін, 22:36

23,2 млн тонна шөп дайындалды – АШМ

Экономика • Бүгін, 18:37

Ұқсас жаңалықтар