Коронавирус • 29 Шілде, 2021

ДСМ «Ashyq» жобасына қосылу алгоритмін жариялады

ҚР Бас мемлекеттік санитариялық дәрігерінің 2021 жылғы 29 шілдедегі №33 Қаулысына қосымша «Ashyq» жобасына жаңа қатысушыларды қосу алгоритмі жарияланды, деп жазады Egemen.kz.

Әсел САРҚЫТ

Қаулы бойынша:

Барлық жаңа қатысушылар үшін «Ashyq» жобасына қатысуға өтінімдер InfoKazakhstan.kz сайтында және онымен біріктірілген Аitu, Halyk Bank және басқалары сияқты платформалар арқылы беріледі.

Сайт арқылы өтінім беру үшін InfoKazakhstan.kz субъекті (объекті):

1) заңды тұлғаның немесе дара кәсіпкердің электрондық цифрлық қолтаңбасының (бұдан әрі – ЭЦҚ) көмегімен InfoKazakhstan.kz басты бетіне кіруі және ЭЦҚ арқылы пайдаланушының деректерін толтыруы қажет;

2) авторизациядан кейін «Менің өтінімдерім» қойындысы автоматты түрде ашылады, онда «Жаңадан өтінім беру» батырмасын басу қажет;

3) «Жаңа өтінім» қосымша бетіне кіре отырып, кәсіпкер өтінім нысанын толтырады және QR алуға сұрау жібереді. QR алу алдында «Білім базасын» жүктеу (кіру кезінде орналастыру үшін инфографика, бас санитариялық дәрігердің қаулылары, Ashyq жобасы бойынша жиі қойылатын сұрақтарға жауаптар және т. б.) және материалдармен танысу қажет;

4) субъект (объект) рұқсат беру құжаттарының бар екенін және санитариялық-эпидемиологиялық талаптарға сәйкестігін растайды. QR коды субъектіде мынадай рұқсат беру құжаттарының бірі болған кезде ғана беріледі:

- ашуға рұқсат/хабарлама (эпидемиялық маңыздылығы жоғары объектінің сәйкестігі туралы санитариялық-эпидемиологиялық қорытынды немесе эпидемиялық маңыздылығы елеусіз объектілер қызметінің басталғаны туралы хабарлама);

- қызметті жаңарту бойынша санитариялық нормаларға сәйкестік актісі. Сәйкестік актісін алу тәртібі пайдаланушының жеке кабинетінде қолжетімді;

5) QR кодын алумен бір мезгілде бизнес субъектісі оның Ashyq жобасының қатысушыларына жататыны-жатпайтыны (осы қаулыға 4-қосымшаға сәйкес жеңілдіктермен жұмыс істейді) немесе ерікті қатысушы туралы хабарлама алады.

QR-кодты алғаннан кейін пайдаланушының жеке кабинетінде «күзетші режимін» (ЖСН немесе куәландырушы құжат бойынша келушінің мәртебесін тексеруді жүзеге асыруға мүмкіндік беретін бағдарлама) алуға нұсқаулық көрінеді.

QR кодты алғаннан кейін Ashyq жобасының қатысушысы тестілік режимде 1 апта жұмыс істейді.

Тестілік режимде 7 күн жұмыс істегеннен кейін Ashyq жобасына қатысушылар туралы ақпарат әкімдіктерге беріледі және бір күн ішінде әкімдіктің сайтында орналастырылады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз