Аймақтар • 02 Тамыз, 2021

Ashyq «көшбасшыларының» жаңа тізімі жарияланды

16 рет көрсетілді

Алматыда Ashyq «көшбасшылары» мен «аутсайдерлерінің» жаңа тізімі жарияланды, деп хабарлайды Egemen.kz.

Алматыдағы Ashyq жобасы жақсы жұмыс істеп тұр деуге болады.

Алматы қалалық Кәсіпкерлер палатасының директоры Айтуар Қошмамбетовтің айтуынша, бизнес қауымдастығы індетті ауыздықтау үшін барлық мүмкіндікті пайдаланады. Ashyq-пен жұмыс істегісі келетіндердің саны күн сайын артып отыр. Егер маусымның басында 1700 қатысушы болса, бүгінде олардың саны 6419-ға жетті.

Айтуар Қошмамбетов Алматыда жеке кәсіпкерлердің 37 пайыздан астамы жобаға қосылғанын айтты. Әдетте, қоғамдық тамақтану мен қонақ үйлердің иелері барынша белсенділік танытуда.

«Біз жобаға ең көп қатысушыны тіркеген қызметтің ТОП-5 түрін анықтадық. Бұл – 22 242 қоғамдық тамақтану объектісі, 1 117 базар, СОСО, сауда орталықтары, 835 сұлулық салоны, шаштараз, 491 балаларды сауықтыру орталығы және йога орталықтарын қосқанда 426 фитнес-клуб», деді Алматы қалалық Кәсіпкерлер палатасының басшысы.

Ashyq жобасының тиімділігіне қарамастан, кейбір кәсіпкерлер келушілерді сканерлеуде жауапсыздық танытады. Қазірдің өзінде 900-ден астам аутсайдерлер бар.

«30 шілдеде біз әкімдіктің сайтындағы тізімдерді жаңарттық, онда жауапсыз қатысушылар да, жоба көшбасшылары да көрсетілген. Ashyq жобасында барлығы 152 көшбасшысы бар. Біз барлық ақпаратты апта сайын Ақпарат және цифрлық даму министрлігінен аламыз», деді А. Қошмамбетов.

Алматы қаласындағы Ashyq жобасы көшбасшыларының тізімі - https://www.gov.kz/memleket/entities/almaty/documents/details/197689?lang=kk

Алматы қаласындағы Ashyq жобасына ерікті қатысушыларының тізімі – https://www.gov.kz/memleket/entities/almaty/documents/details/197690?lang=kk

Ashyq жобасынан шығарылған жауапсыз қатысушылардың тізімі - https://www.gov.kz/memleket/entities/almaty/documents/details/197691?lang=kk

«Егер жобаға қатысушылар өз міндеттемелерін орындамаса, олар шығарылады және преференциялармен жұмыс істеу мүмкіндігінен айырылады. Екі аптаның нәтижесі бойынша Алматыдан 61 қатысушы жобадан шығарылды»,деді А. Қошмамбетов.

Эпидемиологтардың мәліметі бойынша, Алматыда Ashyq сканерлеуінің арқасында өзін-өзі оқшаулау режимін бұзған 170 адам анықталды. Олардың барлығы әкімшілік жауапкершілікке тартылды.

Соңғы жаңалықтар

Қош бол, Америка!

Әдебиет • Кеше

Смартфонға сыйған сауда

Технология • Кеше

Қарымды қаламгер

Руханият • Кеше

Халықаралық кездесулер

Қазақстан • Кеше

Ұқсас жаңалықтар