Коронавирус • 09 Тамыз, 2021

Шымкентте карантин шектеулері жеңілдетілді

628 рет көрсетілді

Шымкент қаласының Бас мемлекеттік дәрігері қаладағы карантиндік шаралар туралы қаулыға өзгеріс енгізді, деп хабарлайды Egemen.kz.

Жаңа өзгерістер тек Ashyq бағдарламасына қатысатын объектілерге ғана қатысты.

Қаладағы бірқатар объектілердің жұмыс уақытындағы өзгерістер:

  • Орталықтар мен сұлулық салондары, шаштараздар - уақыты бойынша 7:00-ден 20:00-ге дейін шектеумен, алдын ала жазылу бойынша Ashyq жобасының «көшбасшысы» мәртебесі бар қатысушылар 00:00-ге дейін, сенбі және жексенбі күндері қызметін тоқтата тұрумен.
  • Жабық базарлар (азық-түлік және азық-түлік емес) - 7:00-ден 17:00-ге дейін. «Көшбасшы» мәртебесі бар қатысушылар сағат 19:00-ге дейін. Сенбі және жексенбі күндері жұмыс істемейді.
  • ХҚКО 9:00-ден 18:00-ге дейін жұмыс істейтін болады. Сенбі және жексенбі күндері жұмыс істемейді. Алдын-ала брондау міндетті болып табылады.
  • Асханалар типі бойынша қоғамдық тамақтану объектілері - 7:00-ден 22:00-ге дейін. «Көшбасшы» мәртебесі бар қатысушылар 00:00-ге дейін. Сенбі және жексенбі күндері жұмыс істемейді.
  • Жазғы алаңдар - 7:00-ден 00:00-ге дейін. Сенбі және жексенбі күндері жұмыс істемейді.
  • СОО, сауда үйлері, сауда желілері - 7:00-ден 22:00-ге дейін. «Көшбасшы» мәртебесі бар қатысушылар 00:00-ге дейін. Сенбі және жексенбі күндері жұмыс істемейді.
  • Театрлар, кинотеатрлар, концерт залдары, филармониялар – толымдылығы 30%-дан аспайтын, сағат 7:00-ден 22:00-ге дейін, «көшбасшы» мәртебесі бар қатысушылар сағат 00:00-ге дейін. Сенбі және жексенбі күндері жұмыс істемейді.

Қаулы қол қойылған күнінен бастап күшіне енеді.

Соңғы жаңалықтар

Ұқсас жаңалықтар