Қоғам • 25 Тамыз, 2021

Аңшылықта абай болыңыз

81 рет көрсетілді

Шығыс Қазақстан облысының Полиция департаменті қызметкерлері қару қолдану кезіндегі қауіпсіздік ережелері мен шаралары туралы түсіндіру жұмыстарын жүргізді, деп хабарлайды Egemen.kz.

Аңшылардың көбі аңға қарумен шығады. Сондықтан әр аңшы аң аулаудағы және аңшылық қаруды ұстаудағы қауіпсіздік техникасы жөніндегі ережелерді білуге, мүлтіксіз сақтауға міндетті. Ереже сақтау оның жеке қауіпсіздігінің кепілі ғана емес, сонымен қатар басқа азаматтардың қауіпсіздігінің кепілі екенін ұмытпауы керек.

Аңшылық қару мен оқ-дәрілері бөгде адамдардың, әсіресе балалардың кіруіне және пайдалануына жол бермейтін жағдайларда бөлшектелген түрде сақталуы тиіс.

Елді мекендерде, сондай-ақ оларға тікелей жақын жерде оқ атуға және оқталған қарумен жүруге тыйым салынады. Қару оқталмаған болса да, адамдарға, үй жануарларына кезенуге болмайды. Жаныңыздағы аңшыға оқталған мылтықты беруге болмайды.

Көлікте алып жүрсеңіз, қару қапта немесе бөлшектелген болуы тиіс. Елді мекенге, аялдау орнына, көлікке жақындаған кезде мылтықты міндетті түрде тексеріп, оқсыз екеніне көз жеткізу керек.

Аңшылықта сыбдыр еткен жаққа, белгісіз нысанға атуға тыйым салынады. Орманды жерде сізден басқа да адамдар жүруі мүмкін екенін естен шығармаңыз.

Егер, қандай да бір ереже бұзылса, заң алдында жауап беретініңізді ұмытпау керек.

Соңғы жаңалықтар

Алматыда 36 градус ыстық болады

Ауа райы • Бүгін, 16:40

Бүгін - Ұлттық домбыра күні

Қазақстан • Бүгін, 08:50

Ұқсас жаңалықтар