Жамбыл облысының әкімі Бердібек Сапарбаев ОКҚ брифингі барысында, Байзақ ауданында әскери бөлімде өрт және жарылыс болған жерде жедел штаб құрылғанын айтты. Штаб тәулік бойы жұмыс істейді. Оқиғадан зардап шеккендерге көмек көрсету үшін жедел желі ашылды.
«Бірде-бір зардап шегуші көмексіз және қолдаусыз қалмайды», деп қосты әкім.
Оқиғаға байланысты мәселелер бойынша ақпарат беру үшін арнайы 109 нөміріне қоңырау шалуға немесе 8-778-810-91-09 нөміріндегі WhatsApp желісіне хабарлама жіберуге болады.
Жедел желі телефондары: 8 (7262) 51-41-67, 8(7262) 51-37-75.
