Аймақтар • 02 Қыркүйек, 2021

Жол картасы саланы жақсарта ма?

267 рет көрсетілді

Атырау облысы әкімінің орынбасары Бақытгүл Хаменованың төрағалығымен өткен конкурстық комиссияның шешімімен 150 түлек облыс әкімінің грантымен жоғары оқу орындарында тегін оқиды. Биыл мектеп бітіріп, білім грантын иеленгендердің дені – болашақ педагогтер мен дәрігерлер.

– Өңірдегі кадр тапшылығын шешу үшін облыстық бюджет есе­бі­нен ден­сау­лық, білім, ауыл шаруа­шылығы және басқа да маңызды са­лалар бойынша білім беру гранттары бөлініп отыр. Биыл конкурсқа қатысуға 186 талапкер өтініш берді. Енді 52 түлек М.Оспанов атындағы Батыс Қазақстан мемлекеттік меди­ци­налық университетінде, екеуі Л.Гу­ми­лев атындағы Еуразия ұлттық уни­верситетінде білім алады. Ал сегіз өрен «Нұр-Мүбарак» университетіне, 86 жас Х.Досмұхамедов атындағы Атырау университетіне оқуға түсті. М.Өтемісов атындағы Батыс Қазақстан мемлекеттік университетінде екі жас жоғары білім алады, – дейді облыстық білім басқармасының басшысы Сатқан Есенғалиев.

Оның айтуынша, биыл ұлт­тық­ бір­ың­­ғай­ тес­тілеудің ­қоры­тындысымен білім сапасы 57,3%-ды құрап отыр. Өкінішке қарай, функ­цио­налдық сауат­тылыққа байланысты халық­ара­­лық зерттеулер (PISA) бойынша оқушылар республикадағы төмен көрсеткішке ие болған.

– Атырау облысында білім беруді дамытудың 2021-2023 жыл­дар­ға ар­нал­ған жол картасының бағ­дарламасы қабылданды. Бұл бағ­дар­лама Назарбаев зияткерлік мек­теп­те­рімен бірлесе жүзеге асырылуда. Жол картасы аясында 50 мектептің жұ­мысы зерделенді. Кешенді зерттеу нәтижесінде мектептердегі проблема­лар толықтай анықталды, – дейді С.Есенғалиев.

Қазір 413 педагогтің жетіспеушілігі туындап отыр. Орыс сыныптары және орыс топтарына 331 маман қа­жет. Математика, орыс сыныптарына дә­ріс беретін қазақ тілі мен әдебиеті пә­­ні­­нің мұғалімдеріне сұраныс арт­қан. Бастауыш сыныптарының өзіне 100-ге жуық педагогтің орны бос тұр. Атырау қалалық білім бөлімі басшысының орынбасары Аманбай Хұсыновтың мәліметінше, қазақ сыныбына 58, орыс сыныбына 28 мұғалімге сұраныс берілген. Биыл М.Өтемісов атындағы Батыс Қазақс­тан мемлекеттік университетін бі­тір­ген 19 жас маман мектептерге жұ­мыс­қа орналасқан.

Тағы да дерекке жүгінер болсақ, өңірде төрт мектеп апаттық жағдайда тұр. Ал 11 мектеп сабақ үш ауысыммен оқытады. Бұл мәселені оң шешу үшін биыл 11 мектеп пайдалануға берілген. Енді 15 мектептің құрылысы жүріп жатыр. Енді алты мектептің құрылысы басталады. Ерекше білімді қажет ететін 6 653 бала бар. Олардың қатарластарынан қалмай білім алуы үшін 159 мектепте қолайлы жағдай жасалыпты. Жалпы, өңірде 14 мың мұғалім дәріс беретін 197 мектепте 143 мыңнан астам оқушы сабаққа барады. Оның ішінде мектеп табалдырығын алғаш рет аттайтын 14 241 бала бар.

– Мектеп мұғалімдері толық вакцина алды. Барлық мектепке дезин­фек­циялық құралдар сатып алынды. Оқулықтарды сатып алуға 1 млрд 667 мың теңге қаржы бөлінді. Келісім­шарт­қа сәйкес оқулықтарды 15 бас­па жет­кі­зіп береді, – дейді басқарма басшысы.

 

Атырау облысы

 

Соңғы жаңалықтар

Түркістанда үшем дүниеге келді

Аймақтар • Бүгін, 12:50

Ертең Үкімет отырысы өтеді

Үкімет • Бүгін, 11:31

Тәуелсіздік тұлғалары

Елорда • Бүгін, 09:16

Аида – әлем чемпионы!

Спорт • Бүгін, 09:14

Алматы қаласы «сары» аймаққа өтті

Коронавирус • Бүгін, 09:09

«Ақ бидай» ойындары аяқталды

Ұлттық спорт • Бүгін, 09:03

Жастар жәрдемі

Аймақтар • Бүгін, 08:55

Сенім арт маған, туған ел!

Аймақтар • Бүгін, 08:54

Сақтанған сау қалады

Медицина • Бүгін, 08:47

Оқушыларға абай болайық

Аймақтар • Бүгін, 08:42

Дамудың сенімді іргетасы

Қазақстан • Кеше

Іні-досқа ілтипат хат

Руханият • Кеше

Ұқсас жаңалықтар