Спорт • 02 Қыркүйек, 2021

Қазақстан – Украина – 2:2

107 рет көрсетілді

Футболдан Қазақстан ұлттық құрамасы 2022 жылы Қатар астанасы – Дохада өтетін әлем чемпионатының іріктеу кезеңі аясындағы 4-тур ойынын елордадағы «Астана Аренада» өткізіп, Украина құрамасымен тең түсті.

Осыдан дәл бес ай бұрын Киевте өткен екі құрама ара­сындағы бірінші ойында жер­лестеріміз алғашқы таймда өз қақпасына гол жіберіп алға­нымен, екінші таймның 60-ми­нутында Серікжан Мұжы­қовтың соққан голының арқа­сында таразы басы теңесіп, құрамамыз алғаш рет Алек­сандр Зинченко бастаған жі­гіт­термен тең ойнаған еді.

Күні кеше елордада өткен матч та дәл сондай сценарий­мен басталды. Кездесудің не­бәрі екінші минутында Ук­раина құрамасының және Пор­тугалияның «Бенфика» клу­бының шабуылшысы Роман Яремчук Стас Покатилов қор­ғаған қақпаға тамаша гол салып, ойынның есебін ашты. Жерлестерміз жылдам гол өткізіп алған соң біраз абдырап қалды. Есесіне қонақтар қарқынын күшейтіп, ойынның 20-минутына дейін біздің футболшыларға доп бермей, қақпамыздың алдында бірнеше қауіпті шабуыл ұйым­дастырумен болды. Бірақ қор­ғаушыларымыз бен Стас Покатилов Украина шабуылшыларына екінші гол соғатын мүмкіндік берген жоқ.

Бірінші таймның орта тұсы­на келгенде алаң иелері қарсы шабуылға иек артып, Андрей Пятовты мазалай бас­тады. 23-минутта Рус­лан Валиуллиннің сол қаптал­дан асырған пасын капитан Азат Нұрғалиев тиімді пайда­лана алмады. Кейіннен Ислам­бек Қуат, Владислав Васильев, Марат Быстров алыс­тан соқ­қы жасап, гол соғуға тырыс­қанымен, доп қақпадан қиыс кетіп жатты. Сөйтіп бірінші тайм Украинаның сәл ғана басымдығымен аяқталды.

Екінші таймды Талғат Байсуфинов шәкірттері тамаша бастады. 60-минутта бас бапкер Азат Нұрғалиевтің орнына Бақтиер Зайнутдиновты және ұлттық құрама сапында бірінші ойынын өткізген шабуылшы Артур Шушеначевтің орнына Абат Айымбетовті шығарған соң, құраманың ойы­ны одан әрі түрленіп шыға келді. Арада 8 минут өткен соң Абат Айымбетов гол соғып таразы басын теңестірген еді. Бірақ литвалық төреші гол ойыннан тыс жағдайда соғылғанын көрсетті.

Дегенмен кездесудің 74-ми­нутында жерлестеріміз бәрі­бір өз дегендеріне жетті. Асхат Тағыбергеннен пас ал­ған Руслан Валиуллин Пя­товты қапы қалдырып, есеп­ті теңестірді. Таразы басы теңес­кен соң қонақтар алға қарай ұмтылудың орнына қорғанысқа көбірек көңіл бөлуге мәжбүр болды. Матч аяқталар тұста Абат Айымбетовтің гол соғып, жеңісті жұлып алатын зор мүмкіндігі болып еді. Алайда Андрей Пятов допты қайтарып үлгерді. Сөйтіп қонақтар футболдағы «сен соқпасаң, саған соғамыз» деген қағиданы ұстанып, төреші қосқан қосымша минутта гол соғып, есепте алға шығып алды. Гол авторы – 20 жастағы Данила Сикан. Гол өткізіп алғаннан кейін жерлестеріміз босаңсымай, соңғы минутқа дейін алға ұмтылып, қарсы­ластарға оңайлықпен үш ұпайды беріп қоймайтынын аң­ғартты. Төреші қосқан соң­ғы бесінші минутта Руслан Ва­лиуллин дубльдің авторы атанып, Қазақстан құрамасына бір ұпай мен тең ойын сыйлады – 2:2.

Енді жерлестеріміз келесі кездесулерін 4 қыркүйек күні сырт алаңда Финляндия құра­масымен, ал 7 қыркүйек күні Бос­ния және Герцеговина құ­ра­ма­сымен өткізеді.

Соңғы жаңалықтар

Қоңырқай болмыс

Руханият • Бүгін, 23:18

Падиша-жырға ғашық шайыр

Әдебиет • Бүгін, 23:16

Желтоқсандық журналист

Қазақстан • Бүгін, 23:06

Піл

Өнер • Бүгін, 23:03

Алматы маңында жер сілкінді

Аймақтар • Бүгін, 16:18

Доллар 9 теңгеге арзандады

Қаржы • Бүгін, 16:10

Ұқсас жаңалықтар