TOKYO2020 • 07 Қыркүйек, 2021

Мемлекет паралимпиада спортына жағдай жасайды – Мемхатшы

166 рет
көрсетілді
1 мин
оқу үшін

Мемлекеттік хатшы Қырымбек Көшербаев Мәдениет және спорт министрлігінде өткен Токио-2020 Паралимпиада ойындарының чемпиондарын марапаттау рәсімінде паралимпиадалық спорт түрлерін дамыту үшін қажетті жағдай жасау жалғасын табатынын мәлімдеді, деп жазады Egemen.kz.

Мемлекет паралимпиада спортына жағдай жасайды – Мемхатшы

«Токио Паралимпиадасында біздің еліміз өз спортшыларын үкілеп қосты. Дүбірлі дода алдында Мемлекет басшысы спортшыларды арнайы қабылдап, ақ жол тіледі. Кездесу барысында Президент әлемдегі жүз мыңдаған спортшының арасынан үздік шығып, ойындарға жолдама алу екінің бірінің қолынан келе бермейді деген болатын. Президент айтқандай, сіздер оған кәсіби біліктілік пен дайындықтың арқасында қол жеткізуге болатынын дәлелдедіңіздер. Параспортпен айналысатын әрбір адам – жеңімпаз. Бүгін еліміз бойынша 20 мыңға жуық азамат параспорт түрімен жүйелі түрде айналысып келеді. Соның ішінде 500 спортшы Ұлттық құрама сапында өнер көрсетеді. Мемлекет паралимпиадалық спорт түрлерін дамыту үшін қажетті жағдай жасай береді. Қазір өңірлерде параспортшыларға арналған 16 арнайы топ пен мектеп жұмыс істейді. Елордамызда 2018 жылы  Паралимпиадалық жаттығу орталығы ашылды. Заман талабына сай жабдықталған орталық АҚШ, Ұлыбритания, Жапония, Оңтүстік Корея елдерімен қатар біздің елде де бар», деді Қ.Көшербаев.