Мұғалжар ауданы Елек өзенінің жағасында қайғылы жағдай орын алды.
«Қандыағаш қаласының екі тұрғыны Елек өзенінің жағасында жүріп, «Volkswagen Passat» автокөлігімен жартастан өзенге құлаған. Апат салдарынан 59 жастағы жүргізуші автокөліктен шыға алмай, суға батып кетті. Ал 45 жастағы жолаушы ауруханаға жеткізілді. Полиция автокөлікті өзеннен ауыр техниканың көмегімен алып шықты. Тергеуге тиесілі сараптамалар тағайындалды», деді облыстық ПД баспасөз қызметінің жетекшісі Ерболат Сарқұлов.
Биыл өңірде 20-дан астам адам суға батып кетті. Оның төртеуі бала.
