Экология • 15 Қыркүйек, 2021

Талдыкөл жанына қорығы бар табиғи парк салынады

18 рет көрсетілді

Қала әкімінің орынбасары Нұрлан Солтамбеков жетекшілік еткен экологиялық кеңесте Кіші Талдыкөлдегі рекреациялық аумақты сақтау және құру мәселесі қаралды, деп жазады Egemen.kz.

Нұрлан Солтамбеков Кіші Талдыкөлді сақтап және суын толтыра отырып, рекреациялық аймақ құру бойынша жобалау-сметалық құжаттама әзірлеуді тапсырды. Су аумағы кемінде 20 гектар болады.

«Осылайша, су түбін тереңдету жұмыстары лай және басқа да зиянды шөгінділерден тазартуға, орташа тереңдікті арттыруға, су балансын сақтауға және т.б. мүмкіндік береді. Айта кету керек, қазір сулы-батпақты нысандағы негізгі иондардың, ауыр металдардың, биогендік заттардың құрамы нормадан бірнеше есе асады», деп жазады Нұр-Сұлтан қаласы әкімінің ресми сайты.

Ведомство ақпаратына сүйенсек, тереңдігі 20 см-ден кем әрі қауіпті, батпақты – Кіші Талдыкөл маңы қалпына келтіріліп, абаттандырылады. Онда әлеуметтік нысандар, яғни тұрғын үйлер, мектептер, медицина орталықтары салынады.

«Кіші Талдыкөлді қалпына келтіру жұмыстары акватория құра отырып, жағалау салуға мүмкіндік береді: болашақта екі жағалауды жалғайтын көпір салу, қала тұрғындары үшін су көлігін іске қосу, сондай-ақ флора мен фаунасы бар экоклиматты сақтау жоспарланып отыр», деп жазылған хабарламада.

Сондай-ақ Кіші Талдыкөл сулы-батпақты нысаны ағын сулар жиналған орын болғанын, үлкен Талдыкөл суымен табиғи байланысы жоқ әрі жерүсті ағыны мен жерасты сулары арқылы өзара байланыспайды.

«Талдыкөлдің (үлкен Талдыкөл) өзінің экологиялық инфрақұрылымы болады. Талдыкөл көлінің жанында қорық, орман-саябақ аймағы бар еліміздегі алғашқы табиғи парк ашылады. Ал екінші экопарк – Майбалық көлінің маңы (әуежай бағыты бойынша оңтүстік-шығыс жағы) тартымды орындардың бірі болмақ», деп жазады ведомство.

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Антына адал азамат

Қазақстан • Кеше

Елорда күніне тарту

Театр • Кеше

Ұқсас жаңалықтар