Фото: Fotolia / fanfan
Ақ үйдің Ұлттық қауіпсіздік кеңесінің өкілі Эмили Хорн Париж өз елшісін шақырып алғаннан кейін де француз билігімен тығыз байланыста екенін және алдағы күндерді келіспеушілікті шешуге ниетті екенін айтты. Бұл туралы РИА Новости жазды.
Австралия бұған дейін қорғаныс және қауіпсіздік бойынша Ұлыбритания және АҚШ-пен әріптестік орнатып, француздық Naval Group компаниясымен сүңгуір қайықтар туралы жасаған келісімін бұзатынын мәлімдеген.
«Ғасыр келісім-шарты» деп аталатын 56 миллиардтық еуро келісімі бойынша 12 шабуылға арналған сүңгуір қайық шығарылуы керек болатын.
Ле Дриан Австралияның шешімін «арқадан пышақ сұғу» деп атады. Париж Австралиядан да, АҚШ-тан да түсініктеме күтеді.
