Оңтүстік Қазақстан облыстық Қазақстан халқы Ассамблеясының кезекті отырысында Елбасы Нұрсұлтан Назарбаевтың халыққа арнаған «Қазақстан жолы – 2050: бір мақсат, бір мүдде, бір болашақ» атты Жолдауы талқыға салынды.
Оңтүстік Қазақстан облыстық Қазақстан халқы Ассамблеясының кезекті отырысында Елбасы Нұрсұлтан Назарбаевтың халыққа арнаған «Қазақстан жолы – 2050: бір мақсат, бір мүдде, бір болашақ» атты Жолдауы талқыға салынды.
Басқосуға Ассамблея мүшелері, этномәдени бірлестіктердің басшылары, Ассамблея жанындағы ғылыми-сарапшылық топтың өкілдері, Аналар кеңесінің, облыстық мәслихаттың бейбітшілік, қоғамдық және этносаралық келісім мәселелері бойынша «Ел бірлігі» депутаттық тобының мүшелері қатысты.
Жиында тарихшы-ғалым Әнуар Исмаилов Жолдауда атап көрсетілген мәселелер туралы айта келіп, білім беру саласына тоқталды. «Президент алдағы 2-3 жылда дуалды техникалық кәсіби білім берудегі ұлттық жүйенің өзегін қалыптастыру керектігін айтты. Болашақта жастардың орта техникалық білім алуының мемлекетпен кепілдендірілген жүйесіне көшуді қарастыру қажеттігін де жеткізді. Елбасының бұл тапсырмалары қазақстандық білім беру ісін жаңа сапаға көтереді деп есептеймін. Жалпы, білім беру саласы қай мемлекет үшін де стратегиялық маңызға ие. Сондықтан, Елбасының бұл салаға ерекше назар аударғаны орынды деп есептеймін», деді ол.
Ассамблея мәжілісінде облыстық мәслихаттың депутаты Әбілқасым Досболов, М.Әуезов атындағы ОҚМУ профессоры Асма Қалыбекова, облыстық өзбек этномәдени бірлестігінің төрағасы Икрам Хашимжанов және Шымкент қаласындағы №45 мектеп-лицейдің директоры Роза Пак Президент Жолдауына байланысты ойларымен бөлісті.
Оралхан ДӘУІТ,
«Егемен Қазақстан».
Оңтүстік Қазақстан облысы.
