Алматыда «Қазақстанның ядролық қоғамы» (ҚЯҚ) қауымдастығының жыл қорытындысына арналған конференция өтті. Аталған шараға «Қазатомөнеркәсіп» ҰАК құрамындағы кәсіпорындар, ИЖТМ Атом энергиясы комитеті мен «Ұлттық ядролық орталық» РМК өкілдері қатысты. Басқосуды Қазақстанның ядролық қоғамының президенті – «Қазатомөнеркәсіп» ҰАК» АҚ басқарма төрағасы Владимир Школьник кіріспе сөзбен ашты. Ол өз сөзін Елбасы Нұрсұлтан Назарбаевтың ел халқына Жолдауында атап көрсеткен міндеттерден бастады.
Алматыда «Қазақстанның ядролық қоғамы» (ҚЯҚ) қауымдастығының жыл қорытындысына арналған конференция өтті. Аталған шараға «Қазатомөнеркәсіп» ҰАК құрамындағы кәсіпорындар, ИЖТМ Атом энергиясы комитеті мен «Ұлттық ядролық орталық» РМК өкілдері қатысты. Басқосуды Қазақстанның ядролық қоғамының президенті – «Қазатомөнеркәсіп» ҰАК» АҚ басқарма төрағасы Владимир Школьник кіріспе сөзбен ашты. Ол өз сөзін Елбасы Нұрсұлтан Назарбаевтың ел халқына Жолдауында атап көрсеткен міндеттерден бастады.
«Мемлекет басшысы егер біз әлемнің бәсекеге барынша қабілетті 30 елінің қатарына енгіміз келсе, осыны жасауымыз керек деп атом энергетикасына қатысты өзінің көзқарасын анық жеткізді. Қазақстанның ядролық қоғамы еліміздің жоғары технологиялары саласындағы үздік инженерлер мен үздік технологтарды, үздік университеттер мен үздік ғылыми орталықтарды біріктіріп отырғандықтан, бұл бізге де айрықша жауапкершілік жүктейді. Бұл біздің ел халқы алдындағы азаматтық парызымыз, еліміздің инновациялық дамуына қосар үлесіміз болмақ», деді ол.
ҚЯҚ міндеттері туралы айта келе Владимир Школьник кәсіпорын басшыларын атом саласымен қатар, баламалы энергетиканы, ғылымды көп қажетсінетін технологиялар мен сирек жер металдар саласын да дамытуға шақырды. Сондай-ақ ол жасыл энергетиканы насихаттаудың маңыздылығына тоқталды. «Ядролық энергетика – таза энергетика, ол жасыл технологиялардың бір түрі. Жасыл энергетикамен шұғылданғандар ядролық, күн және жел энергетикаларымен де шұғылданады», деп түйіндеді сөзін Владимир Школьник.
Қазақстанның ядролық қоғамы өскелең ұрпақпен де белсенді жұмыс жүргізіп келеді. Атап айтқанда, қоғам жоғары сынып оқушылары мен студенттер үшін лекциялар, семинарлар, экскурссияларды тұрақты түрде өткізеді. Радиациялық қауіпсіздік бойынша мұндай лекциялар «Байкен-U» және «КБ-6» кәсіпорындарына жақын маңдағы ауыл балаларына арнап ұйымдастырылған. Ал «Байкен-U» кенішіне жақын ауылдарда тұратын бір топ оқушылар Астанаға жасалған техникалық турға қатысып, Оқушылар сарайымен де танысқан.
Ядролық қоғам қатысушылары мектеп оқушылары мен ЖОО студенттері арасында ғана емес, сала кәсіпорындары қызметкерлері арасында да білім деңгейін көтеру жұмыстарын жүргізуге қатысуға шешім қабылдаған.
Жиын соңында ҚЯҚ мүшелері биылғы жылға арналған жұмыс жоспарына өз ұсыныстарын енгізді.
«Егемен-ақпарат».
