Жәбірленушінің айтуынша, көшелердің бірінде белгісіз біреулер оны тоқтатып, ақша беруді талап еткен. Осыдан кейін қаскүнемдер қызды ұрып-соғып, қалтасынан 20 мың теңге мен ұялы телефонын, қолынан алтын білезігін шешіп алған.
«Полицейлер бір тәулік ішінде күдіктіні анықтап, ұстады. Ол полиция басқармасына жеткізілген жергілікті тұрғын болды. Күдіктіден алынған ұялы телефон мен алтын білезік заңды иесіне қайтарылды», деп хабарлады Түркістан облысы полиция департаментінің баспасөз қызметі.
Аталған факті бойынша сотқа дейінгі тергеу амалдары жүргізілуде. Қарақшылардың басқа ұқсас қылмыстарға қатысы бар-жоғы анықталуда.
