Алматы полиция департаменті «Борышкер» жедел алдын алу іс-шарасы аясында айыппұл төлемейтіндер бойынша пысықтау басталғанын хабарлады.
Автомобильдердің қарқынды ағыны бар жерлерде жұмыс істеуге жол-патрульдік полициясының автоэкипаждары жұмылдырылды. Сондай-ақ «ЖҚҚ» ААЖ және «Сергек» АӨК қолданылады, олар салынған әкімшілік айыппұлдар бойынша берешегі бар борышкерлерді автоматты түрде анықтайды.
«Жоспарлы мерзімді іс-шара шектеулері бар, яғни қамауға алынған адамдар мен көлік құралдарын, сондай-ақ заңда белгіленген мерзімде әкімшілік құқық бұзушылық туралы іс бойынша орындалмаған қаулылары бар қасақана төлемеушілерді анықтауға бағытталған», деп хабарлады Алматы қаласы ПД әкімшілік полиция басқармасының бастығы Нұрлан Аманбек.
Жүйе қозғалыстағы көлік ағынында тәртіп бұзушыны анықтаған жағдайда инспектор машинаны тоқтатып, тоқтау себебін түсіндіреді. Одан кейін тәртіп бұзушының автокөлігі арнайы айып тұрағына жабылады. Келген жері бойынша ҚР Әкімшілік құқық бұзушылық туралы Кодексіне сәйкес алып қою хаттамасы толтырылады.
«Ұсталған көлік құралын айыппұл тұрағынан беру салынған айыппұл туралы қаулылар толық орындалған кезде ғана жүзеге асырылады. Мұндай шаралар құқық бұзушылардың заңды міндеттемелерін уақтылы орындауына тиімді әсер етеді деп есептеймін», деп атап өтті ол.
Сондай-ақ іс-шараға жеке сот орындаушыларының өңірлік палатасының сот орындаушылары мен Алматы қаласы прокуратурасының қызметкерлері қатысады.
