Оқиға • 03 Қазан, 2021

Қызылорда облысында заңсыз аңшылықпен айналысқандар ұсталды

121 рет көрсетілді

Қызылорда облысында заңсыз аңшылықпен айналысқан екі тұрғын ұсталды, деп хабарлады Egemen.kz.

30 қыркүйек күні республикалық «Охотзоопром» мекеме қызметкерлерімен Жаңақорған аудандық полиция бөлімінің учаскелік полиция инспекторлары бірлесіп Жаңақорған ауданының аумағына рейдтік шаралар жүргізді.

Нәтижесінде Жаңақорған ауданы Қандөз ауылынан оңтүстік батысқа қарай шамамен 14 шақырым жерде екі азамат аңшы мылтығымен заңсыз аң аулау кезінде ұсталды. 

Оқиға орнынан асхана пышағы, тіркеуде жоқ бір ұңғылы 12 калибрлі мылтық, жарық күшейткіш құрал, 24 дана патрон, 10 дана қоянға ұқсас жануарының өлі денелері және күдікті тұлғалардың мініп жүрген мотокөлігі анықталып, олар заттай дәлелдеме ретінде алынды.

Аталған дерек бойынша Қазақстан Республикасы Қылмыстық кодексінің 337-бабы 3-бөлігімен (Адамдар тобының алдын ала сөз байласуы арқылы заңсыз аң аулау дерегі) сотқа дейінгі тергеп-тексеру басталды. Тиісті сараптамалар тағайындалды.

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар