Қоғам • 03 Қазан, 2021

Нұр-Сұлтан полициясы жүргізушілерге ескерту жасады

72 рет көрсетілді

Нұр-Сұлтанда ауа райының қолайсыздығына байланысты өткен тәулікте 65, таңертеңнен бері 18 жол апаты болды, деп жазады Egemen.kz.

Полиция қызметкерлері жүргізушілерге жол қозғалысы ережелерін сақтау қажеттігін ескертті.

«Жол қозғалысына қатысушылардың назарына! Ауа райының нашарлауына байланысты Нұр-Сұлтан полиция департаменті жүргізушілерді жол ережесін қатаң сақтауға, рұқсат етілген жылдамдықтан асырмауға және қажетті қашықтықты сақтауға шақырады және талап етеді», делінген хабарламада.

Полицейлер автокөлікті жүргізу кезінде мүмкіндігінше мұқият болуға, жылдамдық режимін, қауіпсіз қашықтықты және маневр жасау ережелерін сақтауға кеңес берді.

«Жүргізушілер үшін дымқыл асфальт едәуір қауіпті. Сонымен қатар түнде үсік жүріп жатыр. Мұның бәрі көлікті тежеу ​​қашықтығының ұлғаюына ықпал етеді, сондықтан аяқ астынан маневр жасаудан және кілт тоқтаудан аулақ болу керек», деп атап өтті полиция департаменті.

Жаяу жүргіншілер жолына жақындағанда жылдамдықты барынша төмендетіп, аса сақ болу қажет.

Ал жаяу жүргіншілер жолдан өтер кезде қауіпсіздік шараларын сақтай отырып, бағдаршамның рұқсат етілген түсіне ғана жүруі керек.  

«Ауа райы қолайсыз кезде, жаңбыр жауып тұрғанда жаяу жүргіншілер жақындап келе жатқан көлікті көрмей қалады», деп толықтырды Нұр-Сұлтан ПД.

Өткен тәуліктің өзінде елордада 65, жексенбі күні таңертеңнен бері 18 жол апаты тіркелді.

Соңғы жаңалықтар

Доллар бағасы арзандады

Қаржы • Бүгін, 15:47

Ұқсас жаңалықтар