Аймақтар • 03 Қазан, 2021

ШҚО полициясы ұрланған телефондарды сататын орындарды анықтады

91 рет көрсетілді

Шығыс Қазақстан облысында полиция қызметкерлері сауда дүңгіршектерінен ұрланған 11 ұялы телефонды тапты, деп хабарлайды Egemen.kz.

ШҚО Полиция департаменті баспасөз қызметінің мәліметіне сүйенсек, ІІМ мүлікті қорғау бойынша бағдарламасын іске асыру мақсатында Өскемен және Семей қалаларында ұрланған телефондарды сатудың жолын кесуге бағытталған шара жүргізілді.

«Жедел уәкілдер пайдаланылған телефондарды сататын 42 орынға барды. Нәтижесінде, 800-ге жуық телефон тексеріліп, оның 11-і қылмыстық іс бойынша өтіп жатқаны белгілі болды. Смартфондар тәркіленіп, сотқа дейінгі тергеп-тексеру материалдарына тіркелді», деп хабарлады ведомство өкілдері.

Сонымен қатар полиция қызметкерлері дүңгіршек иелерімен және ұялы телефон сатушылармен қылмыстық жолмен табылған мүлікті сатып алғаны немесе өткізгені үшін жауапқа тартылатындығы туралы түсіндіру жұмыстарын жүргізді.

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Антына адал азамат

Қазақстан • Кеше

Елорда күніне тарту

Театр • Кеше

Ұқсас жаңалықтар