Аймақтар • 15 Қазан, 2021

СҚО-да ауылдан граната табылды

52 рет көрсетілді

Солтүстік Қазақстан олбысына қарасты Қызылжар ауданындағы ауылдардың бірінде 17 жастағы тұрғын даладан жарылғыш граната тауып алды. Жарылғыш зат сараптамаға жіберілді, деп хабарлайды Egemen.kz СҚО ПД баспасөз қызметіне сілтеме жасап.

Жасөспірім ерекше затты алаңқайдан тауып алған. Тот басқан гранатаны жігіт туысының үйіне әкелген. Оны көрген туысы бірден полицияға хабарлаған. Соколов поселкелік полиция бөлімшесінің қызметкерлері оқиға орнын қоршауға алып, жақын маңдағы үш үйдің жеті тұрғынын қауіпсіз жерге көшірді. Оқиға орнына жеткен жарғыштехниктер қауіпті затты арнайы қалыпқа салды. Шамамен «УЗРГМ» тұтандырғышы бар «РГД» гранатасы болып саналады. Әзірге гранатаның ауылға қайдан келгені белгісіз.

«Зат сараптамаға жіберілді, кейін арнайы жағдайларда жойылатын болады. Жарылғыш заттарға ұқсас зат анықтаған жағдайда зарядтың өздігінен жарылуын болдырмау үшін оларды көшіруге, орындарын ауыстыруға болмайтынын еске саламыз», дейді Қызылжар ауданы ПБ бастығының міндетін атқарушы Нұрлыжан Ақтанов.

Соңғы жаңалықтар

Ұқсас жаңалықтар