Экология • 23 Қазан, 2021

Бүгін - Халықаралық қар барысы күні

435 рет
көрсетілді
1 мин
оқу үшін

23 қазанда әлемде Халықаралық қар барысы күні атап өтіледі. Бұл күн 2013 жылы Бішкектегі қар барысын қорғау туралы өткен дүниежүзілік форумда бекітілді, деп хабарлайды Egemen.kz ҚР Экология министрлігінің баспасөз қызметіне сілтеме жасап.

Бүгін - Халықаралық қар барысы күні

Қар барысы таралу ауқымы мен саны азая бастаған жыртқыш ретінде Қазақстанның Қызыл кітабына енген.

Экология, геология және табиғи ресурстар министрлігі елімізде 130-ға жуық қар барысы бар екенін хабарлады.

Олар 9 ерекше қорғалатын табиғи аумақтарда мекендейді: Іле Алатауы, Жоңғар Алатауы, Көлсай көлдері, Катон Қарағай, Сайрам-Өгем, Шарын, Алтын Емел МҰТП, Ақсу-Жабағылы және Алматы мемлекеттік табиғи қорықтары.

БҰҰ Даму бағдарламасы аясында «Қар барысын сақтау жөніндегі ұлттық іс-қимыл жоспары» әзірленді. Жоспардың мақсаты қар барысының популяциясын ғылыми зерттеу болып табылады.

Фототұзақ арқылы «Алтын-Емел» МҰТП аумағын да қар бырысы мекен ететіні анықталды. Мұнда қар барысының отбасы мекендейді.

Қар барысы 2700-5000 метр биіктікте өмір сүреді. Құйрығының ұзындығы 1 метрге, денесінің ұзындығы 2,1 м жететіндері де кездеседі.

Қар барысы Қытай, Моңғолия, Индия, Непал, Қырғызстан, Пәкістан, Тәжікстан, Ресей, Ауғанстан, Бутан, Өзбекстан жерлерінде де кездеседі.

Жер бетіндегі қар барысының жалпы саны 4-6 мың аралығында.

Соңғы жаңалықтар

Су үнемдейтін қондырғы

Технология • Кеше