![ӘЧ: Қазақ боксшыларының алғашқы қарсыластары анықталды](/media/2021/10/25/bibosynov.jpeg)
Жапония астанасы Токио қаласында өткен Жазғы Олимпиада ойындарында қола жүлде иеленген Сәкен Бибосынов бірінші жекпе жегінде Рио-де-Жанейро Олимпиадасының чемпионы, Өзбекстанның үкілеп қосқан үміті Хасанбой Дусматовпен қолғап түйістіреді. Әрине, өзбек боксшысы мықты спортшы саналады. Әйткенмен, ол біріншіден, Бразилияда өткен Олимпиадада 49 килограмм салмақта топ жарған, екіншіден, одан бері бес жыл өтті. Сәкен қазір нағыз бабында болуы керек. Сондықтан да қазақ боксшысы қарсыласының жұдырықтасу стиліне түсіп кетпей, ара қашықтықты сақтап жүріп классикалық стильде жұмыс істесе, Дусматов алынбайтын асу емес.
Әлем чемпионатында өзге боксшыларымыздың да қарсыластары мәлім болды.
25 қазан:
57 килограмм: Серік Теміржанов - Энх-Амар Хархуу (Моңғолия).
67 килограмм: Абылайхан Жүсіпов - Ю Линь (Тайпэй).
26 қазан:
51 килограмм: Сәкен Бибосынов - Хасанбой Дусматов (Өзбекстан).
75 килограмм: Нұрқанат Райыс - Стефан Савкович (Черногория).
27 қазан:
71 килограмм: Асланбек Шымбергенов - Фархад Моради Аташгах (Иран.)
86 килограмм: Бек Нұрмағанбет - Кено Мачадо (Бразилия).
28 қазан
+92 килограмм: Нұрлан Сапарбай - Аюба Гадфа Дрисси (Испания).
29 қазан:
54 килограмм: Махмұд Сабырхан - Ин Кю Ким (Оңтүстік Корея).
60 килограмм: Саматәлі Төлтаев - Тамба Соргор (Сьерра-Леоне) / Хунатип Пиднуч (Таиланд).
92 килограмм: Айбек Оралбай - Матеуш Березницки (Польша).
30 қазан:
48 килограмм: Теміртас Жүсіпов - Мұхаммет Унлу (Түркия) / Омер Аметович (Сербия).
63,5 килограмм: (1/16). Санатәлі Төлтаев - Владимир Чеботарь (Молдова).
80 килограмм: (1/16). Нұрбек Оралбай - Исаяс Фильо (Бразилия).