Облыста бір тәулікте коронавирус белгілері анықталған 24 тұрғынның он сегізі Атырау қаласының азаматы екен. Мұны облыс әкімдігі денсаулық сақтау басқармасының баспасөз қызметі растап отыр.
Скрининг нәтижесінде Теңіз кен орнында 3 науқас жаңадан тіркелген, инфекция облыстың аудандарында да таралуда. Мәселен, соңғы тәулікте Исатай ауданында екі науқас анықталса, Құрманғазы ауданында COVID-19 бір адамда расталған.
Коронавирус инфекциясы бар 20 науқаста ауру сәйкес белгілермен жалғасуда. 4 адамда ауру белгілері байқалмады. Өткен тәулікте облыста 25 адам коронавирустан емделіп шықты.
