Кәсіпқой бокс • 25 Қазан, 2021

Ақтауда шаршы алаңға кімдер шығады?

67 рет көрсетілді

6-қараша күні Ақтау қаласында кәсіпқой бокс кеші өтетіні белгілі. «Adal promotions» бұл күні андеркартта рингке көтерілетін боксшылардың жұбын жариялады, деп хабарлайды Egemen.kz.

Олардың қатарында дебютанттар да аз емес. Айболды Дәуренұлы, Нұрсұлтан Байниязов бастаған жігіттер бұл күні алғаш рет кәсіпқой бокстың дәмін татып көрмек. Өзге де бірнеше боксшы бірінші мәрте кәсіпқой бокс әлемінде бақ сынайды.

Бокс кешінің басты жекпе-жегінде әуесқой бокстан әлем чемпионы Бекзат Нұрдәулетов өзбекстандық былғары қолғап Фаррух Джураевпен қолғап түйістіреді. Сондай-ақ орта салмақтағы қазақ оғланы Мейірім Нұрсұлтанов белорусиялық Дмитрий Атроховтың шамасын байқап көрмек.

Екінші дәрежелі бірнеше белбеуді иеленген Мейірім Нұрсұлтанов кәсіпқой рингте 14 жекпе-жек өткізіп барлығында жеңіске жеткен болатын. Кәсіпқой бокс әлемінде жасындай жарқырап жүрген Мейірімнің болашағынан мамандар зор үміт күтеді.

Соңғы жаңалықтар

Баға басын имей тұр

Экономика • Кеше

Мейірім шуағы

Өнер • Кеше

Тәуелсіз ел болу – ұлы арман

Тәуелсіздіктің 30 жылдығы • Кеше

Ұқсас жаңалықтар