Қарағанды облысы Қарқаралы ауданының полиция бөлімінің табиғатты қорғау полициясы тобының қызметкерлері «Браконьер» жедел алдын алу іс-шарасын өткізді. Нәтижесінде су қоймаларының бірінің жанынан олар белгілі бір топты байқаған.
Полицейлер 51, 64 және 40 жастағы үш ер адамды ұстаған. Олардың барлығы заңсыз балық аулаумен айналысқан жергілікті тұрғындар болып шықты. Полицейлер қаскүнемдерден 107 килограмм балық пен резеңке қайықты тәркіледі.
ҚР ҚК 335-бабы «балық ресурстарын, басқа су жануарларын немесе өсімдіктерін заңсыз өндіру» бойынша қылмыстық іс қозғалды. Тергеу амалдары жүргізілуде.
