«Маңғыстау медиа» сайты марапатты табыстау шарасы Ыстамбұлдың Су Гестери Санатлары сахнасында болғаны жайлы жазған. Шараға Түркияның 27 қаласынан және 10 шетелден келген театр қайраткерлері бас қосты.
Биыл халықаралық ANADOLU театр сыйлығы жетінші рет беріліп отыр. Қазылар алқасы алдымен 2019-2021 жылдар аралығындағы түрік және шетел театр өнерінің даму көрсеткіштерін саралаған. Осылайша белсенді шығармашылық ізденісі және іскер ұйымдастырушылық қызметі, түркі әлемінің театр кеңістігіне үлес қосқан мәдениет қызметкерлерін таңдаған.
